Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mutil gazte bat atxilotu dute Donostian beste bati labana batekin erasotzeagatik


2006-11-15 14:14

DONOSTIA, 15 (EUROPA PRESS)

Ertzaintzak 19 urteko gizonezko bat atxilotu zuen atzo gauean Donostian, giza-hilketa saioa egotzita. Dirudienez, susmagarria beste gazte bati labana bat sartzen saiatu zen ezbaidatzen ari zirenean, eta zauriak egin zizkion beso batean, biktimak erasoa saihestu zuenean, Eusko Jaurlaritzako Herrizaingo Sailak gaur jakinarazi duenez.

Gertaerak astelehenean izan ziren Donostiako Armerien Plazan. Gaueko 21,45 aldera, beste gazte batekin eztabaidatzen zebilen lagun batek labana bat atera zuen, eta besteari paparrean sartzen saiatu zen, zenbait lekukok adierazi dutenez. Biktimak erasoa ekidin zuen labanaren ibilbidean besoa jarrita, baina bertan sartu zion labana. Gertaeraren ostean, erasotzaileak arineketan egin zuen alde.

Ziztadaren ondorioz, biktima odol ugari galtzen hasi zen eta, handik gutxira, SOS Deiaki 112an abisua eman ondoren, anbulantzia batek osasun zentro batera eraman zuen.

Ertzaintzak gertaeraren berri izandakoan, agenteek ikerketzeari ekin zioten, eta lan horiei esker, erasotzailea identifikatzea lortu zuten. Une horretatik aurrera, euskal poliziaren patruilak pertsona hori bilatzen hasi ziren.

Atzo gaueko 21,00ak jota, patruila batek ustezko erasotzailea aurkitu zuen Donostiako Barkaiztegi plazan. Une horretan, agenteek susmagarria identifikatu (F.A.A.E., 19 urte) eta atxilotu egin zuten, saiakera mailan giza-hilketa delitua egitea egotzita.

Ertzainetxera eramandakoan, beharrezko izapideak burutzen hasi ziren eta, horiek bukatutakoan, Donostiako Guardiako Epaitegiko epailearen esku geratuko da F.A.A.E. gizonezkoa.


258 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin