Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mutil bat atxilotu dute Bilbon burdinezko patinete batekin beste bati buruan jotzeagatik


2009-01-29 16:37

BILBO, 29 (EUROPA PRESS)

Ertzaintzaren agenteek 20 urteko mutil bat atxilotu dute gaur goizaldean Bilbon, ustez lesio delitu bat egin izana egotzita. Eztabaida baten ostean, atxilotuak beste gizon bat burdinezko patinete batekin jo du buruan. Biktima Basurtuko Ospitalera eraman behar izan dute, Eusko Jaurlaritzako Herrizaingo Sailak jakinarazi duenez.

Gertakariak 2:10ean jazo dira gaur, Bilboko Mariaren Bihotza plazan. Ordu horretan, kalez jantzita eta polizia auto batean zihoan herritarren segurtasunerako patruila batek plazan zeuden pertsona batzuen artean bi lagun eztabaidan ari zirela ikusi du. Agenteak pertsona horiengana hurbildu direnean, eztabaidan ari zen gizonezkoetako bat besteari burdinezko patinete batekin buruan eraso egiten ari zitzaiola ikusi dute.

Gertakariaren aurrean, agenteak erasotzailearengana joan dira eta geldiaraztea lortu dute. Beren burua identifikatu ostean, ertzainek biktimak buruan odola zerion zauri bat zuela egiaztatu dute eta, hortaz, anbulantzia bat joateko eskatu dute. Anbulantziak zauritua ospitalera eraman du. Gertatutakoaren aurrean, agenteek 20 urteko gaztea atxilotu dute, lesio delitu bat egin izana egotzita.


260 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin