Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mutil bat atxilotu dute Bilbon aterpetxe bateko arduradunari heriotza-mehatxuak egiteagatik


2006-08-08 17:22

BILBO, 8 (EUROPA PRESS)

Ertzaintzak 23 urteko mutil bat atxilotu zuen atzo arratsaldean Bilbon, irain eta mehatxu larriak egitea leporatuta. Atxilotuak aterpetxe bateko arduraduna iraindu eta heriotza-mehatxua egin zion, barrura sartzen utzi ez ziolako. Protesta moduan lata metaliko batekin bere burua zauritu zuen.

Eusko Jaurlaritzako Herrizaingo Sailaren arabera, gertaerak atzo arratsaldeko 19,00etan izan ziren Bilboko udal aterpetxeetako batean. Ordu horretan, gizonezko batek indarrez sartu nahi izan zuen bertara lo egitera; arduradunak ordea ez zion utzi, gatazkatia zelako eta lehenago ere hainbat liskar sortu zituelako.

Gizonezkoak, aterpetxe horretan ezingo zuela lo egin ikusita, arduraduna iraindu eta heriotza-mehatxua egin zion. Ertzaintzari deitu ostean, patruila bat bertaratu zen eta gaztea bere burua lata metaliko batekin tripan zauritzen ikusi zuten agenteek eta ostatuko arduradunari hilko zuela behin eta berriz esaten. Agenteek anbulantzia bat eskatu zuten, O.B.-ri zauriak sendatzeko. Ondoren atxilotu egin zuten, mehatxu larriak egitea egotzita.

Dirudienez, atxilotuak antzeko gertaera bat eragin zuen ordu batzuk lehenago enpresetako langileak artatzeko zentro mediko batean. Hainbat sendagai emateko eskatu zuen eta langileek ezetz esan ziotenez hil-mehatxua egin zien O.B.-k. Zentroko segurtasunaren langileek Poliziari deitu zioten eta Ertzaintzaren patruila bat bertaratu zen, mehatxu eta irain delitu bat egitea egotzi zioten.


175 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin