Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Muskizko Udala aukeratu dute finalerako hiri bizigarrien nazioarteko sari batean


2006-09-13 13:49



BILBO, 13 (EUROPA PRESS)

Muskizko Udala aukeratu dute The international Awards for Liveable Communities lehiaketaren finalean parte hartzeko. Saria irabazteko aukera bi mailatan izango du: Liveable Community Award sailean eta Environmentally Sustainable Projects sailean.

Udal bizkaitarreko iturrien arabera, Muskizko Udalak joan zen ekainean aurkeztu zuen bere burua hautagai gisa Hiri Bizigarrien Nazioarteko Sarietara. Sariketa hori nazioarte-mailakoa da. Ingurumenaren kudeaketa eta komunitate bizigarriak sortzea ardatz izanik, herrientzat antolatzen duten lehiaketa bakarra da mundu osoan. LivCom Awards ekimena 1997an jarri zen martxan eta Nazio Batuen Ingurumen Programaren barruan txeratuta dago

Hiri Bizigarrien Nazioarteko Sarietarako 20 hiritik gora aukeratu dituzte eta horietako bat da Muskizko udalerria. Azaroaren 9tik 13ra egingo da aukeraketa, Txinako Hangzhou hirian, hain juxtu ere. The LivCom Awardsen helburua zera da: komunitate bizia eta ekologikoki iraunkorra lortzeko eta bizitza-kalitate hobea bermatzeko, jarduerak, berrikuntza eta gidaritza bultzatzea.

Mundu osoko hainbat herrialdek ingurumenaren, iraunkortasunaren eta naturaren alde egiten dituzten proiektuak eta esperientziak bertatik bertara ezagutzeko aukera izango da lehiaketaren azken txanpan. Era berean, hirietako eta herrialdeetako ordezkaritzek aukera paregabea izango dute informazioa eta jakintza trukatzeko. Baina ez hori bakarrik; izan ere, bakoitzak zer premia dituen eta zer neurri hartzen dituen jakiteko ere balioko du: alegia, nola erantzuten dieten herritarrek egindako eskariei herriaren egoeraren arabera.

Parte hartuko duten komunitateek presentzia handiagoa izango dute nazioarte-mailan, eta mundu osoko zenbait komunitateri esker hainbat gauza ikasteko parada izango dute: ingurumenaren, paisaiaren eta ondarearen kudeaketa hobetzekoa; komunitateari zenbait eskumen ematekoa; eta aldez aurretik planifikatzekoa.

Liveable Community Award sariak bost sailetan banatuta daude, biztanle-kopurua kontuan harturik: 20.000 biztanletik beherakoen saila; 75.000 biztanlera artekoa; 200.000 biztanlera artekoa; 750.000 biztanlera artekoa; eta 750.000 biztanletik gorakoa. Muskizek lehendabizi aipatu dugun sailean hartuko du parte. Komunitateak aztertzerakoan, edozein sailekoa izanik ere, honako irizpide hauek hartuko dituzte kontuan: kultura, politika, ekonomia, ikuspegi, geografikoa eta ingurumenari dagokiona.


191 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin