Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Musika eta dantza izango dira Bilboko Udalaren Harrapazank programaren laugarren edizioko protagonistak


2009-02-05 13:45

Ekimenak 12 eta 18 urte bitarteko gaztetxoen artean euskararen erabilera sustatzea du xede

BILBO, 5 (EUROPA PRESS)

Bilboko Udaleko Euskara Sailak Harrapazank programa kulturalaren laugarren edizioa jarri du martxan, eta musika eta dantza izango dira protagonista nagusiak. Ekimenak 12 eta 18 urte bitarteko gaztetxoen artean euskararen erabilera sustatzea du xede eta, era berean, gazteentzako kultur eskaintza handitu nahi du jarduera erakargarri eta berritzaileen bitartez. Halaber, Harrapazank programak euskara, irakaskuntzatik kanpoko eremuetan, eguneroko hartu-emanetako hizkuntza izatea lortu nahi du.

Esan bezala, edizio honetan musika eta dantza izango dira protagonistak. Eskaintza erakargarriagoa egiteko, diziplina bi hauetako profesionalek tailerrak emango dituzte eta antolatutako ekimenetan parte hartuko dute. Bestalde, Mihiluze telebista programaren edizio berezia ere egingo da egitasmoaren barruan.

Jozank, ardatz nagusitzat musika izango duen ekimena, Bilborock aretoan otsailean, martxoan eta apirilean egingo diren ikastaro musikal interesgarriek osatzen dute. Ikastarooetan, Gatibu, Lor, Kerobia, Zea Mays, Berri Txarrak, Etxe, Doctor Deseo eta Split 77 taldeetako kideek, baketak, ahotsa eta hitzak, abesti sorkuntza eta gitarra, baxua eta ordenagailu bidezko musika sorkuntza bezalako gaiak jorratuko dituzte.

Ikastaroetan parte hartu nahi dutenek otsailaren 13ra arte dute izena emateko epea Harrapazank-en webgunean: www.harrapazank.com.

Jozank egitasmoa Sugan eta Kauta taldeen kontzertuarekin osatuko da martxoaren 13an, Bilborock aretoan, 20:00etan. Sarrerak Bilborocken eta BBK-ren orotariko kutxazainetan, telefono bidez eta interneten egongo dira salgai 6 eurotan.

DANTZAZANK

Bestalde, Dantzazank dantza lehiaketa da egitarauaren aurtengo beste berrikuntza. Gazteek, martxoaren 20an 19:30etan hasita Bilborock aretoan egingo den gala batean aurkeztuko dituzten koreografiak antolatu beharko dituzte. Nerea Alias izango da ekitaldiaren aurkezlea eta bertan musika emanaldiak egingo dira. Sarrera dohainik izango da.

Sariak izango dira ikasbidaia baterako diru-laguntza edo multiabentura asteburu bat, Ibaizabal piraguan jaistea eta Elkar Megadendako erosketa bonoak.

Gaztetxoei koreografiak garatzen laguntzeko eta galarako prestatzeko, otsailean eta martxoan, astean behin, laguntza klaseak emango dira. Dantzari euskaldun eta gazte baten gidaritza izango dute saio hauek. Koreografo eta dantzari euskaldun famatuen bisitak ere edukiko dituzte.

Dantza lehiaketan parte hartu nahi dutenek izena emateko epea dute otsailaren 13ra arte Harrapazank-en web gunean. Taldeka eman behar da izena eta ikastetxe bereko bost edo sei pertsonek osatu behar dute talde bakoitza.

Halaber, martxoaren 27an, Bilborock aretoan, Kike Amonarriz eta Ilaski Serranok aurkezten duten Mihiluze telebista programaren edizio berezia antolatu eta grabatuko da 19:30etatik aurrera. Bertan Bilboko gazteak eta Euskal Herriko famatuak lehian arituko dira. Sarrera dohainik izango da eta ikusleek ere sariak irabazteko aukera izango dute.

Harrapazank egitasmoaren joan den urteko edizioan 700 gazte inguruk hartu zuen parte eta 1.000 baino gehiago sartu ziren programaren blog-ean.


328 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin