Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Munduko arrainik handiena den marrazo-baleak txikitzen ari direla diote zietzilari australiarrek


2006-02-07 13:35



BILBO, 7 (EUROPA PRESS)

Marrazo-baleak gaur egun munduko arrainik handienak bezala ikusita daude baina txikitzen ari direla aztertu da, izan ere, hamarkada batean berauen tamaina zazpi metrokoa izatetik bost metrora pasa dela jakinarazi du Australiako zientzialari talde batek, AEKren Aizu! aldizkariaren otsaileko alearen arabera.

Uzkurtze bilakaera hau Australiako ipar-mendebaldean dagoen Ningalooko Itsas Parkeko zientzilariak jasotako datuekin garatutako inkesta batek adierazten du, kostalde hartan hainbat datu bildu baitituzte turismo ekologikoan diharduten zenbait enpresekin elkarlanean.

Enpresa hoiek marrazo-baleen artean igeri egiteko aukera eskeintzen diete turistei, oso otzanak baitira plaktona jaten duten animaliok. Marrazo-baleak munduko arrainik handiena bezala ezagutzen dira, gehienez 15 metroko luzera eta 18 tonako pisua izan baitezakete, baita 150 urtez bizi ere.

Sei edo zazpi metroko luzera lortzen dutenean bihurtzen dira sexualki heldu animalia hauek, beraz tamaina hori lortu arte ez dira ugaltzeko gai eta hori oso datu larria da, deritzo Australiako Itsas Zientzien Institutuko kidea den Mark Meekan-ek.

Asiako zenbait herrialdek marrazo-baleak ehizatzen dituzte eta horren ondorioz desagertzeko bidean jarri dira. Haiek babesteko asmoz, zenbait ikerlari taldek itsasoan ikusten dituzten aleak etiketatzen hasi dira, horrela gutxienez kontrolatuagoak izan nahi baitituzte animaliok.


280 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin