Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Munduan zehar dagoen bikote gasteiztarrarekin txateatzeko aukera izango da Durangoko Azokan, hilaren 5ean eta 8an


2006-12-04 17:09

BILBO, 4 (EUROPA PRESS)

Abenduaren 5ean eta 8an, Durangoko Euskal Liburu eta Disko Azokako webgunean (www.durangokoazoka.com) Eneko Etxebarrieta eta Miyuki Okabe senar-emazteekin txat saioak izango dira arratsaldeko 18,00etan hasita, azokako iturriek gaur iragarri dutenez.

Une honetan Arakaju hirian daude euskal bidaiariak. Duela bi urte Gasteiztik tandem batean atera ziren eta hamar urtez mundua zeharkatzeko egitasmoa hasi zuten. Azokako gaia Bidaiak izanda, bidaiari honen abenturak zuzenean jarraituko dira txat berezi baten. Nahi dutenek euren galderak bidali eta Enekok eta Miyukik daudek tokitik erantzungo diete.

Bestalde, abenduaren 6an, gaueko 22,00etatik aurrera, bertso saio berezia izango da San Agustin Kultur Gunean. Ehun urte bete dira aurten Felipe Arrese Beitia otxandiarra hil zela, eta, bere omenez, Euskal Herriko eta Bizkaiko lau bertsolari txapeldunek, bere garaian Lore Jokoak irabazi zituen olerkariaren bertsoekin saioa osatuko dute.

Bertso jarriak batetik eta bertso berriak bestetik izango dira, eta bertsolariak, Xabier Amuriza, Sebastian Lizaso, Unai Iturriaga eta Igor Elortza izango dira. Josu Goikoetxea izango dute gai-jartzaile.

Goizean, bestetik, Durangoko Udalak Felipe Arrese Beitiaren omenezko eskultura ipiniko du azokaren aurreko plazan. Ekitaldia goizeko 11,30etan izango da.


247 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin