Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Motorzaleentzako segurtasun-pantailak jarri eta 40 kilometrotan babes-biondak berrituko dira A-8ko Gipuzkoako zatian


2006-11-08 13:00

DONOSTIA 8 (EUROPA PRESS)

A-8 autobideko Gipuzkoako zatian lan berriak egingo dira laster. Batetik, babes-biondak berrituko dira autobidearen 40 kilometro baino gehiagotan, eta, bestetik, moto-gidarientzat babes-pantaila bereziak jarriko dira autobidearen Gipuzkoako zati osoan, babes horiek jartzea beharrezkoa den lekuetan. Bide-segurtasuna areagotzeko ahalegin berezia egingo da, beraz, Bidegiko iturriek gaur jakinarazi dutenez.

Biondak, adibidez, Elgoibar-Zarautz, Aritzeta-Aieteko tunela (Donostia), Pasaia-Oiartzun eta Irun-Behobia autobide-zatietan berrituko dira, norabidearen alde banatan. Lanok egiteko kontratua Tecsa S.A.-k eta Vanos S.A.-k osatutako aldi baterako enpresa batasunari eman zaio gaur. Esleipenaren arabera, 5,2 milioi euroko aurrekontuari egokituta gauzatu behar da proiektua, zortzi hilabeteko epearen barruan.

Lan-programak bi atal ditu nagusiki. Lehen atalaren arabera, gaur egun dauden babes-biondak kenduko dira, berriak jartzeko. Ermua-Elgoibar zatian eta hirugarren bide-lerroa erantsi zaien Intxaurrondo-Pasaia eta Oiartzun-Irun zatietan ordezkapen hori eginda dagoenez, gainerako autobide-zatiak sartu dira proiektu honetan. Bestalde, Zarautz-Aritzeta zatian, hirugarren bide-lerroa eransteko lanekin batera egingo da biondak berritzearena.

Lehen ataleko lanez gain, bigarren atalekoak ere egingo dira aldi berean, hau da, moto-gidarientzat segurtasun-hesi bereziak jartzea autobidearen Gipuzkoako zati osoan, babes horiek jartzea teknikoki gomendagarria den lekuetan.

Moto-gidarientzat pantailak, 400 metro baino gutxiagoko erradioa duten bihurguneen kanpo aldean eta galtzada nagusiko irteeretan mantsotzeko lerroa zuzenekoa denean jarriko dira. Laburbilduz, autobidearen 70 bide-zatitan jarriko dira babes-pantailak, horietako 36 Irungo norabidean eta beste 36 Bilborakoan.


523 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin