Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Moldaviar bat atxilotu dute Zallan auto batez erakusleihoa hautsita saltoki batean ostearren


2006-08-22 13:29

Bilboko kale batzuetatik abiadura handian jarraitu behar izan dio Ertzaintzak gizonezkoari

BILBO, 22 (EUROPA PRESS)



Bilboko Ertzainetxeko agenteek Moldaviako gizonezko bat atxilotu dute gaur goizaldean Bizkaiko hiriburuan, Zallako denda batean arropa lapurtzea leporatuta. Saltokiko erakusleihoa hausteko erabili duen turismoa lapurtzea ere egotzi diote.

Ertzaintzaren esanetan, gaur goizaldeko 2,30ak aldera, udalerri bizkaitar honetako Artebizkarra auzoko arropa-denda batean lapurreta bat izan berri zela jakinarazi diote Ertzaintzari, auto batez dendako erakusleihoa hautsi baitute lapurrek. Handik minutu batzuetara, Kastrexana gainetik Bilborako noranzkoan zihoala, lapurrek erabilitako ibilgailua (Ford Orion bat) aurkitu du Euskal Poliziaren patruila batek.

Turismo hori lapurtu zutela jasota zuten polizia-artxiboetan. Polizia-autoko seinale akustikoen eta argien bidez, autoa gelditzeko adierazi diote gidariari, baina honek ez die kasurik egin eta Bilboko kaleetatik abiadura handian jarraitu behar izan diote ertzainek. Azkenik, Santa Ana auzoan harrapatu ahal izan dute turismoa agenteek.

Atxilotua Moldaviakoa da eta haren identitatea jakiteko ikertzen ari dira agenteak. Poliziengandik ihes egiten saiatu da, horma baten gainetik salto eginda. Ondorioz, jauzi egin da eta oin batean mina hartu du. Une hori aprobetxatu dute ertzainek gizonezkoa atxilotzeko.

Gainera, eskumutur batean ebakiak ditu, ustez, saltokiko kristala apurtuta egindakoak. Lapurtutako arropa turismoaren barruan zegoen eta agenteek atzeman dute. Lesioak sendatu bitartean, atxilotua Bilboko ospitale batean dago oraingoz, Ertzaintzaren zaintzapean eta epailearen aurrera noiz eramango duten zain.


175 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin