Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Miriam Pepña durangarrak egin du 41. Durangoko Euskal Liburu eta Disko Azoka iragarriko duen kartela


2006-11-08 12:52

Azokako ekitaldietarako gai nagusia Bidaiak izango da aurtengo edizioan

BILBO, 8 (EUROPA PRESS)

Miriam Peña durangarra da 41. Durangoko Euskal Liburu eta Disko Azoka iragarriko duen kartelaren egilea. Peña Arte Ederretan lizentziatua da eta gaur egun arte ikasketak sakontzen dihardu, eta Durangoko Udalak eskaintzen dituen sormen tailerretako arduraduna da, azoka durangarreko antolakuntzako iturriek gaur jakinarazi dutenez.

Artista durangarrak orain arte egin dituen lanetatik nabarmentzekoak dira 2004. urteko San Fausto jaietako kartela edota 2005. urtean Zaldibarko Emakume Langilearen Eguneko irabazlea izan zen kartela.

Bestalde, azokako ekitaldietarako gai nagusia Bidaiak izango da aurten. Gaia ardatza hartuta, mahai-inguru eta hitzaldi ezberdinak izango dira. Euskal bidaiariekin izango den berriketaldia edota euskal musikariek munduan zehar izandako birak azaltzeko egingo duten mahai-ingurua nabarmendu dituzte antolatzaileek.

Roberto Arizmendik zuzendu eta Argentinan egin den ¡Gora Vasco! (Milonga de temple y carretilla) film-dokumentalaren estreinaldia ere nabarmendu dute. Iaz 70 urte bete ziren Gillermo Larregi izeneko iruindarrak eskorga bat bultzatuz, oinez, Argentina zeharkatzeko ibilbidea hasi zuela; 3.500 kilometro egin zituen guztira.

Ohiartzun handiko abentura izan zen eta Argentinan El vasco de la carretilla ezizenez oso ezaguna egin zen. Bere abentura errepikatu zuen Martin Arizmendi gazteak iaz. Ibilbidea laburragoa izan zen, 100 bat kilometrokoa, eta ibilbidea aprobetxatu zuten, Gillermo Larregiren eta Martin Arizmendiren abenturak film-dokumentalean batzeko.

Argentinan eta Ameriketako beste herrialde batzuetan arrakasta handia izan du filmak. Bidaiari bitxi eta euskaldun honen istorioa jasotzen duen eta Argentinako zigilua duen ikus-entzuneko proiektu hau, Euskal Herrian, lehenengoz, 41. Durangoko Euskal Liburu eta Disko Azokan ikusteko aukera izango da. Filmaren zuzendaria, Roberto Arizmendi, eta ekoizlea, bere anaia den Cesar Arizmendi, Durangon izango dira.

Bestalde, Pata Negra eta Karidadeko Benta taldeek emango duten kultur arteko kontzertua ere azpimarratu nahi izan duten antolatzaileek. Bidaiatzean ematen den euskal kultura, ohitura eta pentsakeraren eta bisitatzen den lekuetako kultura, ohitura eta bizimoduaren arteko trukea musikaz adierazi nahi dugu.

Euskal Herrian bira egiten izango den Pata Negra taldeak azken kontzertua Durangon eskainiko du azoka egunetan. Karidadeko Benta musika taldearekin batera, erritmo biziko jaia izango da Plateruena Kafe Antzokian, abenduaren 7an, 21,30etan).

AZOKAREN AURKEZPEN EKITALDIAK

Gerediaga Elkarteak esfortzu berezia egingo du aurten, eta lehenengoz, azokaren berri Euskal Herriko toki ezberdinetako bisitariei aurkezpen ekitaldi berezietan emango die. Gasteiz, Baiona, Iruñea eta Donostian egingo dira aurkezpen ekitaldi horrek, Durangoko prentsaurreko nagusiaren osteko egunetan.

Helburua, Bizkaiaz gaindiko herrialdeetako bisitariei azokaren berri ematea da, Durangoko Azoka Euskal Herri osoan garrantzia handia duen ekitaldia delako. Horretarako mahainguru, prentsaurreko eta hitzaldi ezberdinak antolatu dira.

Horrela, azaroaren 23an, Gasteizen Euskal bideoklipak mahai-ingurua izango da, Ritxi Aizpurua (Ohiuka diskoetxea), Ines Osinaga (Gose musika taldea), Iban Ezkerra (Oliba Gorriak musika taldea) eta MusikHerria elkarteko ordezkari baten partaidetzarekin.

Hurrengo egunean, azaroak 24, prentsaurrekoa izango du Iparraldeko komuniukabideentzat Baionako Elkar Megadenda. Azaroaren 27an, Iruñean, hitzaldia eta diapositiba emanaldia izango da: El vasco de la carretilla. Hizlaria Txema Urrutia idazlea izango da.

Azkenik, azaroaren 30ean, Euskarazko bidaia-liburuak mahai-ingurua antolatu dute Donostiako Liburutegi Zaharreko aretoan, Iñaki Mendizabal (Elea argitaletxea), Juan Martin Elexpuru idazlea eta Urtzi Urrutikoetxea idazlearen partaidetzarekin. Moderatzailea Aitor Elduaien Bidaide irratsaioko esataria izango da.


410 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin