Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mintzola Fundazioa gaur arratsaldean bilduko da lehenengo aldiz Subijana Etxean, Villabonan (Gipuzkoa)


2009-02-09 13:25

DONOSTIA, 9 (EUROPA PRESS)

Gipuzkoako Foru Aldundiak, Villabonako Udalak, Euskal Herriko Bertsozale Elkarteak eta Euskal Herriko Unibertsitateak (EHU) sortu berri duten Mintzola Fundazioa gaur arratsaldean bilduko da lehenengo aldiz Villabonako Subijana Etxean (Gipuzkoa), 15:30etatik aurrera. Helburu bikoitzarekin sortu da Mintzola: alde batetik euskararen ahozko tradizioaren behatoki dinamikoa izatea eta bestetik, gizarteak ahozko komunikazioaren esparruan dituen premiei erantzun egokia ematea.

Gaurko bileran Mintzola Fundazioaren aurtengo egitasmoa eta aurrekontua landuko dituzte erakundeek, eta ahozkotasunaren alde lan egiteko beharrezkoak diren tresnak jarriko dituzte abian. Horien artean, Villabonako Udalarekin sinatutako hitzarmena dago; hitzarmenari esker, herriko Kale Nagusian kokatzen den Subijana Etxea izango da Mintzola Fundazioaren egoitza eta bertan garatuko dute erakunde guztiek egindako elkarlana.

Fundazioaren zuzendaria hautatzeko oinarriak ere onartuko dituzte gaur, bai eta irudi korporatiboaren sorrera ere. Urte honetarako egitasmoaren baitan 2012. urtera arte luzatuko den ahozkotasunaren inguruko ikerketa lana dago eta horren inguruan arituko dira ere erakundeak. Dagoen eskariari erantzuna emateko ahozkotasuna lantzeko ikastaroak daude aurreikusita.

Bileran parte hartuko dute Mª Jesus Aranburu Mintzola Fundazioaren presidenteak eta Gipuzkoako Foru Aldundiko Kultura diputatuak, Joseba Iñaki Murua Jauregui Euskal Herriko Bertsozale Elkarteako presidenteak, Marixabel Arrieta Villabonako alkateak, Jon Irazusta EHUko Euskara errektoreordeak, Estibaliz Alkorta Gipuzkoako Foru Aldundiko Euskara zuzendariak, Haritz Solupe Gipuzkoako Foru Aldundiko Kultura zuzendariak eta Xavier Huizi Gipuzkoako Foru Aldundiko Ogasun Saileko aholkulariak.


392 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin