Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Michel Houellebecquen testu batean oinarrituriko Plataforma lana taularatuko da asteburuan Barakaldo Antzokian


2006-11-15 12:20

BILBO, 15 (EUROPA PRESS)

Barakaldo Antzokiak estreinatuko du asteburu honetan Euskadi mailan Plataforma antzerki-lana, Michel Houllebecqen testu polemikoan oinarrituriko obra. Calixto Bieito da zuzendaria eta Juan Echanove aktore nagusia, antzoki barakaldoarreko iturriek gaur jakinarazi dutenez.

Marc Rosichek eta Bieitok berak moldatu dute Houllebecqen eleberria antzerkirako, eta jatorrizko lana laburtu eta berrarmatu dute, lehen mailako material dramatiko bihurtuz.

Echanovez gain, Romea Teatre konpainiako aktoreak agertuko dira taula gainean: Marta Domingo, Lluis Villanueva, Carles Canut, Mingo Rafols, Boris Ruiz eta Belen Fabra. Echanovek berak, interprete onenaren saria jaso zuen Edinburgoko Nazioarteko Jaialdian, eta kritika britainiarrak esan zuen gainontzeko aktoreak miresgarri aritu zirela.

Obran nabarmentzen den beste alde bat Alfons Floresen eszenografia da. Biraka dabilen plataforma batek bitan zatitzen du agertokia: sex-shop bateko kabinak alde batetik, eta pantera larruz forraturiko piano handi bat duen hotel bateko taberna beste batetik.

Plataforma lanak turismo sexualaz hitz egiten du. Baina baita Ekialdearen eta Mendebaldearen arteko harremanetaz, bakardadeaz, zibilizazioaren erorketaz edota kontsumoaren kulturaz. Ikusle bakoitzak gai horiek eta beste batzuk antzemango ditu, eta inoiz ez da epel geratuko.

Saioak ostiralean, larunbatean eta igandean izango dira; 20,30etan lehen bi egunetan eta 19,30etan igandean. Obra hasi aurretik, ikusleei jakinaraziko zaie obrak sexu esplizituko irudiak dituen bideo-emanaldiak eta sentikortasuna kaltetu ditzaketen eszenak jasotzen dituela.


206 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin