Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Metroak Algortan harrapatu duen pertsona mutil gazte bat izan da eta kolpeak besterik ez ditu jasan


2006-12-28 13:11

BILBO, 28 (EUROPA PRESS)

Metro Bilbaoren unitate batek Algortako geltokian gaur goizean harrapatu duen pertsona mutil gazte bat izan da eta kolpeak besterik ez ditu jaso. Metro konpainiaren iturriek jakinarazi dutenez, unitatearen gidariaren abileziak saihestu du zoriogaiztoko ondorioak izatea.

Istripua goizeko 8,50ean gertatu da, argitu gabe dauden arrazoiengatik gazte bat nasatik trenbidera erori da, Plentziarako noranzkoan zihoan metroaren unitate bat geltokian sartu baino minutu batzuk lehenago.

Pertsona bat trenbidean zegoela konturatzean, gidariak larrialdietarako balazta aktibatu du eta gidatze automatikotik eskuzko gidatzera igaro da berehala. Gidariaren abilezia larrialdietarako balaztak berehala aktibatzean, erabakigarria izan da ondorio larriak ez gertatzeko, bere maniobrari esker, gazteari denbora eman baitio trenbideko plataforman etzan eta, horrela, unitatearekin topo egitea saihesteko, azaldu dute metroaren iturriek.

Aginte Zentralizatuko Guneak Ertzaintzari jakinarazi dio gertaera, eta Polizia autonomoak mota honetako jazoeretan aurreikusitako protokoloa martxan jarri eta ikerketa hasi du gertaera argitzeko. Metroaren langileek erreskatatu ondoren, eta ospitale batera eraman aurretik, gazteak bortizki egin die aurre geltokiko eta segurtasuneko langileei.

Gertaeraren ondorioz, metroaren zerbitzuak atzerapenak izan ditu goizeko 9,30ak arte; atzerapenak 5 eta 20 minutu bitartekoak izan dira. Tarte horretan, Metro Bilbaok bide bakarra ezarri du Algortan eta Larrabasterran unitateen igarotzea ahalbidetzeko bi noranzkoetan eta zerbitzuaren kaltea gutxitzeko, puntako ordua baitzen.


146 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin