Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Metro Bilbaoko unitateek arrakastaz egin dituzte galibo-probak Sestao-Portugalete bide zatian


2006-11-08 11:38

BILBO, 8 (EUROPA PRESS)

Bizkaiko Garraio Partzuergoak (BGP) arrakastaz egin ditu Sestao Abatxoloko eta Portugaleteko geltokiekin lotzen duen bide zatiko galibo-probak. Lehenengo saiakera horretarako, Metro Bilbaoko unitate batek bide zati berriko ia bi kilometroak ibili ditu, 1. eta 2. trenbideetatik, baita Portugaleteko azken geltokia izango den horretan dagoen bretelle-a (trenbideak gurutzatzen diren tokia) ere.

Trenek maniobra posible guztiak egin zituzten atzo arratsaldean, galiboa (trenaren distantzia trenbidearen kanpoko ekipamenduekin) egokia eta hasieran aurreikusitakoa dela egiaztatzeko, bai unitatea geldi dagoela, bai eta abiadura motelean edo lanekoan dagoela ere, BGP-ko iturriek prentsa-ohar bidez gaur jakinarazi dutenez.

Saiakera horiek mugimenduan dauden trenekin egiten diren egokitze-lanak dira, bide zati horretan egiten diren lehenengoak, hain zuzen ere. Metroaren sareko puntu hori oso garrantzitsua izango da, bide zati berriari gehitzen zaionean. Geltoki hori 2. linearen amaiera izango da; beraz, Portugaleten, trenek bost minutuko tartearekin egin beharko dute trenbide aldaketa, puntako orduetan. Portugaleteko geltoki bietatik 14.000 pertsona inguru pasako dira egunean. 50.000 pertsona inguru bi geltokietako batetik hamar minutu baino gutxiagora bizi dira.

Galibo-probak gainerako instalazioak prest egon aurretik eman beharreko pausua dira. Horien artean hauek nabarmendu dituzte BGP-ko arduradunek: katigamendu elektroniko berriak, instalazio bietan teleagindu elektronikoa eta ATP (Trenbide Segurtasuna) eta ATO (Gidatze Automatikoa) sistemak. Zerbitzuok martxan jarriko dira hurrengo asteetan. BGPak esan du bide zati berria prest uzteko epea aurreikusitakoa dela.


208 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin