Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Metro Bilbaok tren bateko bogie bat jarriko du ikusgai Zientziaren eta Teknologiaren karpan


2006-11-07 13:19

BILBO, 7 (EUROPA PRESS)

Metro Bilbaok Bilboko Udalak eta Euskal Herriko Unibertsitateak (EHU) azaroaren 8tik 11ra bitartean jarriko duten Zientzia zure bizitzan jaialdian parte hartu nahi izan du, eta ekitaldiko erakusketen karpan, Arriaga plazan, metro unitate baten bogie-a egongo da ikusgai, bere elementu elektro-mekaniko guztiekin.

Material hau lagatzea izango da Metro Bilbaok gonbidatutako enpresa modura zientzia pertsona guztiengana gerturatzeko eta ezagutarazteko egingo duen ekarpena. Horrela, garraio enpresak trenaren oinarrizko mekanismo bat zer den erakutsi nahi dio jendeari, hortxe biltzen baita gizartearen zerbitzura jarritako abangoardiako teknologia.

Metro Bilbaoko iturriek azaldu dutenez, bogie-a trenaren osagai mugikor bat da, unitate baten bagoiaren sostengua; metroaren bastidorea eta gurpilak direla esango daiteke. Karbonodun altzairuzko bere egiturak H forma dauka, eta arrodadurako elementuak, esekidura eta propultsio ekipoak, balazta sistema eta beste osagai gehigarri batzuk erantsi ahal izateko diseinatuta dago.

Ikusgai jarriko den bogie-a Metro Bilbaoren zaharrenetako bat izango da, 1995. urtean metroa martxan jarri zenean erosi ziren lehenengo unitateetako batean jarritakoa, alegia. Milioi bat kilometrotik gora egin ditu jada, munduari 25 bira ematea beste, eta ikuskapen orokor zorrotza gainditu berri du. Erakusketaren ostean metroko beste unitate batean jarriko da, beste milioi bat kilometro egin dezan.

Metro Bilbaoren tren batek zortzi bogie eramaten ditu (bagoi bakoitzak bi). Bogie bakoitzaren potentzia gorena 746 zaldikoa da, hau da, metroko unitate batek, gehienez, 5.968 zaldiko potentzia gara lezake, 1 Formulako zortzi autok beste, eta urtean 100.000 eta 120.000 kilometro artean ibiltzen ditu.


132 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin