Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Metro Bilbaok Sestao eta Urbinaga arteko gaueko zerbitzua etengo du asteburuan, obrak direla eta


2006-10-25 11:16

BILBO, 25 (EUROPA PRESS)

Metro Bilbaok tren zerbitzua eten beharko du asteburu honetan Sestao eta Urbinagako geltokien artean, Abatxolo eta Portugaleteko geltoki berriak martxan jartzearekin lotuta dauden obra desberdinak direla eta.

Horrela, garraio konpainiak jakinarazi duenez, ostiral gaueko 23,00etatik igandean zerbitzzua bukartu arte etenda egongo da tren zerbitzua. Ahalik eta eragozpenik gutxien eragitearren, Metro Bilbaok trenen ordezko autobus zerbitzua jarriko du, larunbat eta igandean, goizeko 6,00etatik gaueko 23,00ak arte. Ostiral eta larunbat gaueko zerbitzua kenduko da, ez baita ez trenik ezta autobusik ere jarriko.

Autobusa Sestao eta Urbinaga artean ibiliko da, ahal bada, metro zerbitzuaren maiztasuna betetzen. Bi tokitan baino ez da geldituko, Sestaoko geltokiaren Kale Nagusiko sarreraren ondoan (Kale Nagusia 2, kafetegiaren ondoan), eta Urbinagako geltokiko parkingaren ondoan.

Tren zerbitzua behin behinekoan etengo da Portugaleteko zatiarekin lotzeko lanekin bateraezina delako. Oro har, obrekin Sestaoko katigamendua aldaraziko da, orain arte amaierako geltokia zena Portugaleterako tarteko geltoki bihurtuz, Portugalete izango baita, datozen urteotan, 2. Lineako amaierako geltokia. Lanak trenbide zabalean egingo direnez, ez dago Sestaon zerbitzurik mantentzerik, lanok dirauten bitartean.

Sarearen gainerakoan metroa normaltasun osoz ibiliko da, ohiko egun eta gaueko ordutegiekin. Metro Bilbaok asteburua hartu du lanak egiteko, jendeari ahalik eta trabarik gutxien egiteko. Metro Bilbaok 944 25 40 25 informazio telefonoa dauka, bestelako argibiderik nahi edo behar duten bezeroentzat.


240 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin