Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Metro Bilbao klima-aldaketaren kontrako Stop CO2 Euskadi ekimenari atxiki zaio


2009-01-14 15:18

BILBO, 14 (EUROPA PRESS)

Metro Bilbao Eusko Jaurlaritzako Ingurumen eta Lurralde Antolamendurako Sailak IHOBE Ingurumena Kudeatzeko Sozietate

Publikoaren bidez klima-aldaketaren kontra koordinatzen duen Stop CO2 Euskadi ekimenari atxiki zaio gaur goizean, beste enpresa batzuekin batera.

Stop CO2 Euskadi berotegi efektua sortzen duten gasen emisioak murrizten lagunduko duten ekintza bideragarri guztiei leku egingo dien ekimena da. Euskal Autonomia Erkidegoko (EAE) eragile publikoen eta pribatuen mugimendu handi bihurtu gura du, XXI. mendeko ingurumen arazorik handienetako bati elkarrekin aurre egiteko.

Horren haritik, 1995etik garraio pribatua gutxiago erabiltzen laguntzen ari den Metro Bilbaok, gainera, ingurumena errespetatzearen aldeko apustua egin du ingurumena babestearekin loturiko estrategia-lerroak eta hobetzeko helburuak zehaztuz.

Ingurumen politika enpresaren politika orokorrari erantsi zaio, enpresaren helburuetara gehituta, garapen iraunkorra eta Euskal Herriko ingurumen babesa sustatuz, eta 2008ko edizioan Ingurumenaren Kudeaketaren Europako Sarien Estatuko goraipamena ere lortuz.

Horrela, Metro Bilbaok berotegi efektua sortzen duten emisioak murriztearekin loturiko hainbat lan ildo eta helburu garatu ditu, besteak beste, Metro Bilbaoko tailerretan gas naturala instalatzeko proiektua, berogailuetarako eta pintatzeko kabinetarako erabiltzen den gasolioaren ordez; Metro Bio kanpaina, 2006tik zabaltzen ari dena eta oraindik indarrean dagoena, garraio publikoa oro har eta metroa bereziki erabiltzea sustatzeko; eta tren unitateek energia gutxiago kontsumitzea, balaztatzean sortzen den energia kilometro baino gutxiagora dauden beste trenen trakzioan erabiliz.

Era berean, Metro Bilbaok urtero proposatzen ditu ingurumena babesteko hainbat hobekuntza-helburu, berotegi efektuko gasak murrizteko, ura aurrezteko eta sortutako hondakinak modu egokian kudeatzeko. Horregatik guztiarengatik, Metro Bilbaok Stop CO2 Euskadi ekimena abiatzeko dokumentua sinatu du, adierazpenaren helburuak bere eginez.

Laburbilduz, jabetzea klima-sistema berotzen ari dela garbi dagoela, eta sistema natural asko eta asko pairatzen ari direla jada eskualdeetako klima-aldaketen eraginak, eta Metro Bilbaok, beste enpresa eta administrazio publiko batzuekin batera, ekintzaren bidearen aldeko apustua egiten duela, azaldu dute konpainiatik.


327 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin