Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mertxe Larrañaga da EHUko lehenengo Berdintasunerako Zuzendaritzaren arduraduna


2006-11-20 12:17

BILBO, 20 (EUROPA PRESS)

Euskal Herriko Unibertsitateko (EHU) Ekonomia eta Enpresa Zientzien Fakultateko irakaslea den Mertxe Larrañaga Sarriegi da EHUko lehen Berdintasunerako zuzendaria. Joan den ekainean EHUko Gobernu Kontseiluak Unibertsitateko Berdintasunerako zuzendari kargua sortu eta karguaren funtzioak zehaztu zituen, eta orain Mertxe Larrañaga zuzendari izendatua izan da.

EHUko iturriek gaur jakinarazi dutenez, Larrañaga (Azkoitia, 1962) Ekonomia Aplikatua I saileko irakasle titularra da eta Nazioarteko Ekonomia lerroko irakasgaiak ematen ditu, batez ere Munduko Ekonomia eta Nazioarteko Moneta eta Finantza Sistema. Emakumeen lanari buruzko doktorego tesia egin zuen eta Emakume eta Gizonen Berdintasunaren gaineko Masterreko irakaslea ere da.

Berdintasunerako zuzendariaren eginkizun nagusiak izango dira, besteak beste, gaur egungo egoeraren diagnostikoa egitea; plan bat egitea, barne-funtzionamenduan eta kanpoko jardueretan emakumeen eta gizonen berdintasuna sustatzeko neurri zehatz eta eraginkorrekin eta berdintasun-plan horretan jasotako edukien segimendua eta ebaluazioa egitea.

Pentsatzen dugu lehenik eta behin diagnostiko sakona egin beharra dagoela ikusteko zein den emakume eta gizonen egoera EHUko hiru estamentuetan: Administrazio eta Zerbitzuetako Pertsonalean, Ikaslerian eta Irakaslerian. Diagnostikoarekin agerian geldituko dira gizon eta emakumeen arteko ezberdintasunak eta, noski, ahalegindu beharko ginateke ezberdintasun horien arrazoiak bilatzen, adierazi dute.

Hau guztia EHUko Emakume eta Gizonen arteko Berdintasunerako lehen plana egiteko oinarria izango da. Ahalegin berezia egin beharko da plan horretako neurriak zehatzak izan daitezen, are gehiago jakinda konkrezioak gero planaren jarraipena eta ebaluaketa erraztuko dituela. Jakina, plana aplikatzeko orduan lehentasunak finkatu beharko dira eta adibidez, diagnostikoak erakusten badu ezberdintasunak bereziki handiak direla kolektibo batean, lehentasuna izango dute kolektibo horri zuzendutako neurriek.


217 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin