Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Merinalde Eguna ospatuko da bihar, Durangaldeko lurraldetasuna eta garai bateko erakunde propioak gogoratzeko


2006-12-26 10:31

BILBO, 26 (EUROPA PRESS)

Azken urteetako ohiturari jarraituz, Gerediaga elkarteak Merinalde Eguna antolatu du biharko, Durangaldearen lurraldetasuna eta garai bateko erakunde propioak gogoratuz. Ekitaldi nagusia arratsaldeko 19,30etan hasiko da Abadiñoko Gerediagako baselizan.

Antolakuntzako iturriek adierazi dutenez, 1875eko abenduaren 27an, Durangaldeko eleizateetako alkateak Gerediagako foru zelaian bildu ziren azken aldiz. Hurrengo urteko uztailaren 22an foruek kendu zituzten eta Durangaldeko erakundeak desagerrarazi zituzten. Azken batzar hori gogoratzeko Gerediaga Elkarteak abenduaren 27a gogoratzen du urtero.

Gerediagako baselizan egingo den ekitaldia izango da ekintza nagusia. Bertan, sarrerako agurraren ondoren, Blanca Gómez de Segura Euskal Bustingintzaren Museoko arduradunak eta Enrique Ibabek Garai bateko buztingileak dokumentala aurkeztuko dute. Gero, Durangaldeko lehenagoko buztingileei buruzko hitzaldia emango du Enrique Ibabe ikertzaileak.

Hitzaldiaren ostean, Gerediaga Elkarteak Durangerriko Teila oroigarria emango dio Enrique Ibaberi. 1997an eman zen lehen aldiz oroigarri hau eta urte birik behin ematen zaio Durangoko Merinaldetik kanpoko norbaiti, eskualdearen alde egindako lanagatik. Aurten, Enrique Ibaberi ematea erabaki du Gerediaga elkarteak, ondare etnografikoaren alde eta Durangaldeko buztingileei buruz urteetan egindako lana eskertzeko asmoz.

Enrique Ibabe, 1935. urtean jaio zen Bilbon. Bizitza osoa Euskal Herriko material etnografikoak ikertzeari eta biltzeari eskaini dio etnografo autodidakta honek. Etnografiari buruzko hitzaldi asko eman ditu, baina gehien landu duen gaia euskal buztingintza herritarra izan da. Durangaldearen kasuan bere lana ere eskertzekoa da, Atxondo, Durango eta Iurretako buztingintza jarduerari buruzko datuak eta erreferentziak galtzear zeudenean, datu hauek berreskuratzeko egin zuen lana garrantzitsua izan zelako.

DOKUMENTALA

Bestalde, Elosun (Araba) dagoen Euskal Bustigintzaren Museoak ekoiztutako ikus-entzunezkoa da Garai bateko buztingileak dokumentala. 32 minutuko grabaketa da eta laister argitaratuko bada ere, Gerediaga ermitan, lehenengoz, aurrerapena ikusteko aukera izango da. Izan ere, ingelesezko eta euskarazko testuak izango dituen salmentarako DVDa prestatzeko dute oraindik.

Ikus-entzunezko honetan, azken hiru buztingileen testigantzak jasotzen dira. Buztingile honek lanean jarraitu badute, neurri handi batean Enrique Ibabek egindako ikerlanari esker izan da.

Hiru buztingileak arabarrak dira: Jose Ortiz de Zarate; 94 urtekoa; Federico Garmendia; eta Nicolas Agirrebeitia. Azken honek, esaterako, 82 urte ditu eta jatorriz Ulibarri-Ganboakoa da. 1958. urtean urtegia egin zutenean, bere tailerra urpean geratu zen.


197 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin