Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mendiexpo erakusketak 7.000 bisitari baino gehiago izan ditu asteburu honetan


2006-10-23 17:13

DONOSTIA, 23 (EUROPA PRESS)

Pirinioetako bi aldeetako mendizaleak bildu ditu aurten ere Mendiexpo erakusketak Irungo Ficoba erakustazokan. Guztira 7.000 bisitari baino gehiago bildu dira, eta aldi berean egindako jardueretan ere parte-hartzaile ugari egon da. Batez ere emanaldiak izan dira Mendiexporen dibulgaziozko jardueren arrakasta berretsi dutenak, antolakuntzako iturriek gaur jakinarazi dutenez.

Emanaldiak nazioarteko mendizaletasuneko pertsona ospetsuek eman dituzte, eta 2.100 parte-hartzaile baino gehiago egon da haietan. Interesik handiena piztu duten jarduerak izan direla nabarmendu dute antolakuntzako iturriek.

Bestalde, II. Mendiexpo Ibilaldian ere parte-hartzaile ugari egon dela nabarmendu dute; izan ere, Gipuzkoako Mendi Federazioak sustatutako Finalisten Egunarekin batera antolatu zen, eta 2.000 pertsona baino gehiago bildu ditu.

Aurten jarduera berria ere antolatu dute, haurrentzako orientazio ikastaroa alegia, eta 200 haurrek hartu dute parte. Azkenik, Boulder txapelketak nazioarteko maila lortu du, eta kirolarien maila altuarengatik nabarmendu da.

Ficobako gerente Iñigo Marqueten iritziz, hirugarren Mendiexpo honen emaitzak onak izan dira. Erakusketariek gaur egungo lan ildoarekin jarraitzera animatu gaituzte. Erakusketen arloa eta dibulgaziozko izaera konbinatzen dituen azoka da. Egiazki, zenbait erakusketarik berretsi digute hurrengo Azokan hemen izango direla berriz. Gustatuko litzaidake aipatzea oso atseginak izan direla guretzat asteburuan izandako mendizale ospetsuen bisitak. Ez dute parte hartu Mendiexpo erakusketan baina Azoka ezagutzera hurbildu dira.


140 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin