Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mendebalde kultur elkarteak euskara ikasteko hiru material berri aurkeztuko ditu ostiralean


2006-10-17 16:25

BILBO, 17 (EUROPA PRESS)

Mendebalde kultur elkarteak Goi-maila I, Goi-maila II eta Irakurketa ozena Bizkaian lantzeko materialak liburuak aurkeztuko ditu ostiralean, Euskaltzaindiko egoitzan, Bilbon, goizeko 11,00etan hasita.

Kultur elkarteko iturriek gaur iragarri dutenez, Goi-maila I hizkuntza eskolako nahiz euskaltegiko goi-mailako ikaslearentzat egindakoa da. Liburu honetan, batez ere, deklinabidea, atzizkibidea, esaldi berezi batzuen itzulpena eta aditza lantzen dira. Aditzean aurrez aurre jarri dituzte bizkaiera eta batua, biak batera lantzeko eta ikasteko.

Goi-maila II liburua ere hizkuntza eskolako nahiz euskaltegiko goi-mailako ikaslearentzat egindakoa da, baina perpaus bakuna, mendeko perpausak, esamoldeak, hiztegia eta testak jorratzen ditu bereizki.

Azkenik, Irakurketa ozena Bizkaian lantzeko materialak liburuan aurkezten den gaiaren gunea irakurketa ozena ebaluatzeko irizpideak ematea da. Oraingoan, ikaslea edo esataria hartu dute gogoan eta hemen bildutako materaiala berari begira egin da.

Ostiraleko ekitaldian izango dira, besteak beste, Andres Urrutia euskaltzainburua (konfirmatzeke), Gotzon Lobera Bizkaiko Foru Aldundiko Euskara sustatzeko zuzendaria, Esti Izagirre Mendebalde kultura elkarteko zuzendaria, Eneko Barrutia eta Agurtzane Bijueska hizkuntza eskolako irakasleak, eta Iñaki Gaminde eta Begoña Bilbao Magisteritza Eskolako irakasleak.


306 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin