Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Menchu Gal pintore irundarrak irabazi du Eusko Ikaskuntzaren Manuel Lekuona Saria 2006ko edizioan


2006-10-23 10:25

BILBO, 23 (EUROPA PRESS)

Menchu Gal margolari irundarrak jaso du Manuel Lekuona Saria 2006ko edizioan. Eusko Ikaskuntzak urtero antolatzen du sari hau, euren obra osoarengatik euskal kulturaren alde gehien nabarmendu diren pertsonak aintzatesteko, Eusko Ikaskuntzako iturriek gaur jakinarazi dutenez.

Menchu Gal Irunen jaio zen 1918an. Gaspar Montes Iturriozekin jaso zuen prestakuntza hasieran eta 1932an Gipuzkoako Artista Berrien Lehiaketako saria jaso zuen. 15 urte bete gabe zituela Parisera joan zen; bertan, Amedee Ozenfant kubismoaren maisuaren eskolak jaso zituen eta Matisse eta fauvismoa ezagutu zituen. Ondoren, Aurelio Artetarekin ikasten jarraitu zuen eta Madrilgo San Fernando Arte Ederretako Eskolan aritu zen beranduago.

Gerra ondorengo espainiar pinturaren berrikuntzaren egile nabarmena izan zen. 1959an Pintura Sari Nazionala lortu zuen lehen emakumea bihurtu zen. Daniel Vazquez Diazen ikaslea eta Benjamin Palenciaren paisaia-pinturak eraginda, bere lanean Bidasoa eta Mantxako paisaiak nabarmentzen dira, baita erretratuak ere. Espainiar erakusketa piktoriko garrantzitsuenetan eta nazioarteko antologikoetan izan ditu bere lanak ikusgai. Bilboko Arte Ederretako museoa edo Madrilgo Reina Sofia bezalakoetan ere ikus daitezke bere obrak.

Manuel Lekuona Saria Eusko Ikaskuntzak 1983. urtean sortu zuen, euskal kulturako pertsonalitateak aintzatesteko, hauen lan osoak (opera omnia) interes nabarmena duenean.

Aurreko edizioetan saritutakoen artean daude Jorge Oteiza, Miguel Maria Azaola, Justo Garate, Bernardo Estornes, Carlos Santamaria, Jose Mª Jimeno Jurio, Eugene Goyheneche, Jean Haritschelhar, Elias Amezaga edo Manuel Lekuona berta, besteak beste.

Saria emakume bati esleitzen dioten bigarren aldia da, Micaela Portilla arabar historialaria izan zen lehena. Saria, Remigio Mendiburuk egindako brontzezko eskultura bat da, eta oraindik zehaztu gabe dagoen egun batean banatuko da.


158 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin