Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Max Beckmann. Akuarelak eta Pastelak erakusketaren azken egunak Bilboko Guggenheimen, ia 360.000 bisitari igaroaz


2006-09-13 14:17



BILBO, 13 (EUROPA PRESS)

Ia 360.000 pertsonak bisitatu dute Guggenheim Bilbao Museoan Max Beckmann. Akuarelak eta Pastelak erakusketa, datorren igandean, irailaren 17an, amaitzeko lau egun falta direnean. Joan den ekainaren 27an inauguratu zenetik oso publiko anitzak bisitatu du erakusketa.

Museo bilbotarreko iturriek prentsa-ohar batean adierazten dutenez, bisitarien %65 atzerritarrak izan dira eta %35 Estatukoak. Izan ere, nazioarteko hedabideetan izan duen oihartzuna dugu arte modernoko artista garrantzitsuenetako baten lanari Guggenheim

Bilbao Museoak eskainitako begirada ezezagunak piztu duen interesaren erakusgarri.

Azken hamarkadetan mundu osoko museoek nabarmendu izan dute Max Beckmannen (Leipzig, 1884-New York, 1950) olio-pinturen balio artistikoa, hari eskainitako atzera begirako zabalak bezain sakonak antolatuz. Max Beckmann. Akuarelak eta Pastelak erakusketarekin, Guggenheim Bilbao Museoak paper gainean hark sortutako lanek duten

garrantzia agerian utzi nahi izan du, orain arte ez baitira behar adina erakutsi izan.

Erakusketaren komisario Mayen Beckmannek -artistaren bilobak- eta Siegfried Gohrrek landu duten katalogo arrazoituak artistaren maisutasun teknikoa erakutsi eta nobedade eta apustu berritzaileak iragartzen dituzten lan hauen garrantzia aditzera ematen du.

Artistaren arazo existentzialak islatzen dituzten olio-pinturetan ez bezala, erakusketa hau osatzen duten hirurogeita hamar akuarela eta pasteletan lana arin hartzen duen artista sumatzen da, Max Beckmannen alderdi espontaneo eta intimoena, esperimentazioari ekiteko ingurua behatu eta inspirazio-iturritzat hartzen duenarena.


150 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin