Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mauthausengo kontzentrazio-esparruari buruzko erakusketa bat irekiko du astelehenean Gernikako Bakearen Museoak


2006-08-04 12:53

BILBO, 4 (EUROPA PRESS)

Gernikako Bakearen Museoak Mauthausen. Kronika grafikoa izenburuko erakusketa zabalduko du datorren astelehenean, hilak 7, eta urriaren 15era bitartean izango du irekita. Museoko arduradunen esanetan, munduaren gaur egungo historiaren basakeria eta izugarrikeria atal ikaragarrienetako bati buruzko argazkiak bilduko ditu erakusketak.

Kataluniako Historia Museoak utzi dio erakusketa museo gernikarrari, museo katalana baita bere antolatzailea, Mauthausengo Amical elkartearekin batera. Elkarte honek bere artxibo historiko batzuk gorde zituen 1996an Kataluniako Historia Museoan, besteak beste, Mauthausengo eta Güsengo kontzentrazio-esparru nazietatik ateratako argazki-negatiboen bilduma bat.

Mauthausengo esparruko Erkennungsdienst identifikazio-zerbitzuko arduradunek egin zituzten argazki horietako batzuk 1940 eta 1945 bitartean. Gainontzeko negatiboak Francesc Boix argazkilari katalanak egin zituen, eta Mauthausengo esparruko askapenari buruzko erreportaje batenak dira (1945); Boix deportatu errepublikarra zen eta esparrua askatu arte preso egon zen bertan.

Gernikako Bakearen Museoko erakusketak irudi horien aukeraketa bat eskainiko du. Argazki batzuk testigantza bezala erabili ziren 1946an nazien aurka Nürembergen egin zen epaiketan zehar.

Museo gernikarreko arduradunen esanetan, erakusketak gaur egungo historiaren atal hau azaltzen du. Historiaren atal beldurgarrian Europa osoko milioika lagun izan ziren biktimak.


279 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin