Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Matematikek eguneroko bizitzan duten eraginari buruzko jardunaldiak izango dira Bilbon


2006-11-20 11:35

BILBO, 20 (EUROPA PRESS)

Bilboko Udaleko Kultura eta Euskara Sailak eta Espainiako Elkarte Matematikoak Matematikak eguneroko bizitzan izenburuko jardunaldiak antolatu dituzte Bilboko Bidebarrietako Liburutegia. Matematikak gizarteari hurbiltzea helburu duen ziklo honen edizio berria bihar hasiko da, eta azaroaren 28an eta abenduaren 5ean jarraituko du, arratsaldeko 19,30etatik aurrera izango diren hiru hitzaldirekin.

Antolatzailek jakinarazi dutenez, probabilitatea, estatistika, ausa, finantzak eta artea matematikaren begietatik ikusita izango dira emango diren hitzaldien gaiak.

Juan Antonio Cuesta Albertos Kantabriako Unibertsitateko Estatistikako Katedraduna, Jose Luis Fernandez Perez Madrilgo Unibertsitate Autonomoko Analisi Matematikoko Katedraduna eta Francisco Martin Casadelrrey Bigarren Hezkuntzako Katedraduna eta matematiken ikaskuntza eta irakaskuntzari buruzko Suma aldizkariko zuzendaria izango dira hiru hizlariak.

Jardunaldi hauek, publiko zabal bati zuzenduta (gazteak, gurasoak, irakasleak, kultur kezkak dauzkaten pertsonak eta matematikak gorrotatzen dituztenak ere), matematikak gizarteari hurbiltzea dute xede, eguneroko bizitzan, kulturan, aurrerapen teknologikoetan, ekonomian, medikuntzan, ingeniaritzan edo arkitekturan duten garrantziaz jabetzeko.

Matematikek gizartean duten irudia txarra bada ere, pertsona askorentzat zailak, abstraktuak eta aspergarriak baitira, gizartea eta eguneroko bizitzaren ezinbesteko parte dira. Herrialde baten garapen ekonomiko eta teknologikoa beren menpean daude.

Matematiken erabilera beste zientzia batzuetara hedatzen da eta eguneroko bizitzaren jarduera gehienetara: sakelako telefonoaz deitu, kamera digital bat erabili, kutxazain batetik dirua atera, mapa bat erabili, satelite bidez telebista ikusi, ordenagailu bat erabili, interneten sartu, aseguru bat egin, inbertitu edo mailegu bat eskatu, eraikinen eraikuntza eta abar.


106 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin