Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Maria Bayo soprano nafarrak hasiko du ostegunean Getxoko Udazkeneko Kontzertuen 21. edizioa


2006-10-31 12:25

BILBO, 31 (EUROPA PRESS)

Getxoko XXI. Udazkeneko Kontzertuak ostegunean hasiko dira, Maria Bayo soprano fiteroarrak Getxo Antzokian 20,00etatik aurrera eskainiko duen emanaldiarekin. W.A. Mozarten, Jose de Nebraren, Oscar Esplaren, Eduard Toldraren eta Xabier Montsalvagen piezak eskainiko ditu abeslari nafarrak, Roger Vignoles piano-jolearen laguntzaz.

Ziklo honen kontzertuetarako sarrerak salgai daude Algortako Kultur Etxean, BBKren orotarako kutxazainetan, 944 310 310 eta 944 914 080 telefono zenbakietan eta www.bbk.es webgunean, Getxoko Kultur Etxetik gaur jakinarazi dutenez.

Abeslari nafarrak ospe handia lortu du munduko agertoki eta areto nabarmenetan, eta Getxon, bere estiloa eta disdira erakutsiko ditu, bere ibilbide artistikoaren momenturik hoberenean aurkitzen baita.

Kritikaren eta publikoaren iritziak bat datoz: Bayoren karisma, bere ahots-tinbrearen zolitasuna eta argitasuna, bere ahoskera eta, batez ere, antzezten dituen pertsonaien psikologia zehaztasunez interpretatzeko gaitasuna azpimarratzen dute.

Abeslari fiteroarra Barrokotik XX. mendera arteko pertsonaia desberdinak antzezteko gai da. Halaber, lieder eta oratorio errepertorioan arreta berezia jarri du urtez urte eskaintzen dituen errezitaldietan eta kontzertu sinfonikoetan. Bere jardueran zehar nazioarteko hainbat sari jaso ditu Maria Bayok, esate baterako, Belvedere Nazioarteko Lehiaketaren lehenengo saria eta Vianako Printzea Saria.

BIGARREN JARDUNALDIA

Biharamunean, azaroak 3 ostirala, Ensemble Ausonia taldearen txanda izango da, XVII. eta XVIII. mendeko musika eskainiz. Oraingo honetan, taldeak, Isabelle Poulenard sopranoarekin batera, Mozart konpositoreari buruzko programa monografiko bat eskainiko du.

Larunbatean, berriz, Nova Lux Iruñeko Ganbara Koraleko taldea jardungo da Getxo Antzokian, David Guindano Igarretak zuzenduta, Juan Francés musikagilearen inguruko programa interpretatzeko. Programan, salmo konposizioak entzun ahal izango ditu publikoak nagusiki.

Bestalde, kontzertuekin batera, eta Mozarten jaiotzaren 250. urteurrena ospatzen ari denez, berari buruzko erakusketa izango da ikusgai Algortako Erakustaretoan urriaren 30etik azaroaren 10era bitartean. Bertan, zenbait taulatan, bisitariek artista handi honen lana, bizitza eta XVIII. mendeko musika ezagutu ahal izango dute, besteak beste.


224 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin