Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Maite Franko ipuin kontalariaren bi saio antolatu ditu Otxandioko liburutegiak herrian irakurzaletasuna pizteko asmoz


2006-10-26 16:24

BILBO, 26 (EUROPA PRESS)

Otxandioko liburutegiak Maite Franko ipuin kontalariaren bi emanaldi antolatu ditu herrian irakurzaletasuna bultzatzeko asmoz.

Bi ekitaldi hauen bidez, Eusko Jaurlaritzako Kultur Ondarearen Zuzendaritzak irakurzaletasuna eta liburutegien erabilera sustatzeko martxan jarritako Irakurri kanpainarekin bat egiten du Otxandioko herri liburutegiak. Bihar eta azaroaren 17an arituko da Maite Franko kontu kontari Otxandioko Kultur etxean.

Maite Franko irundarra --pedagogia, antzezlan eta sorkuntza arlotan ibilitakoa-- Otxandioko Kultur etxean arratsaldeko 18,00etan arituko da ohi duen bezala kontu kontari. Halabazango ipuinak azalduko dizkie lau urtetik gorako haurrei.

Eusko Jaurlaritzako Kultur Ondarearen Zuzendaritzak aurten irakurketa eta liburutegien erabilera suspertzeko martxan jarritako Irakurri kanpainaren barruan egingo da biharko ipuin kontaketa saioa.

Bigarren saio bat ere antolatu du Otxandioko liburutegiak azaroaren 17rako. Kasu honetan, helduentzako ipuin kontaketa izango da, 16 urtetik gorakoentzat. Ipuinen altxorra izeneko saioa azaroaren 17an izango da, arratsaldeko 19,00etan, Kultur Etxean.

Urteko epe ezberdinetan burutzeko diseinatu da Irakurri kanpaina. Lehenengo ekitaldiak apirilean izan ziren, Liburuaren Egunaren bueltan; erreleboa ekainean, udako oporren hasieran, hartu zen; hirugarren fasea, berriz, urriaren 24ean ospatu den Liburutegien Egunaren inguruan antolatu da. Euskal Autonomia Erkidegoko 30etik gora liburutegik gora parte hartu dute Irakurri kanpainan mota guztietako ekimenekin.


156 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin