Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Mahmud Darwish poeta palestinarra omentzeko errezitaldi bat izango da bihar Bilboko San Frantzisko auzoko liburutegian


2009-01-19 11:43

BILBO, 19 (EUROPA PRESS)

Bilboko San Frantzisko auzoko Udal Liburutegiak Mahmud Darwish poeta palestinar zendu berriaren omenezko ekitaldia egingo du bihar. Bertan, Deustuko Unibertsitatean irakasle laguntzaile dabilen Hithem Abdulhaleem psikologo palestinarrak eta Aït El Bouhali Bouchra errezitatzaile marokoarrak parte hartuko dute, Darwishen Arrosa gutxiago liburuko poema batzuk gaztelaniaz eta arabieraz irakurtzeko asmoz. Errezitaldia 19:00etan hasiko da, eta sarrera doakoa da, antolatzaileek gaur jakinarazi dutenez.

Mahmud Darwish (Galilea, 1941 - Houston, 2008) arabierazko idazlerik garrantzitsuenetakotzat jotzen da, baita Palestinako poeta nazionaltzat ere bere poesiaren konpromisoa gogoan hartuta. Bere lana Palestinako kontzientzia poetikotzat jotzen da. Darwish bertan jaio zen, eta Israelgo armadak bertatik kanporatu zuen poetaren familia.

Bere poemarik ezagunena, Nortasuna izenburukoa, arabiar munduaren ereserki bilakatu zena, agintari israeldarrek palestinarrei sinarazten zieten inprimaki batean oinarrituta dago. Poetaren izena historiarekin lotuta azalduko da beti, Palestinaren Independentzia Deklarazioa idatzi baitzuen 1988an.

Bere poemak Ekialde Hurbileko egoera politikoaren salaketa argia dira (Palestina galdutako paradisua balitz bezala ageri da), eta arabiar tradizio poetikoa eraberritzen lagundu dute, errealismo metafikoa deritzonera hurbilduz. Bere ibilbide luzean, nazioarteko golardo ugari jaso zuen, hala nola, Frantziako Arte eta Letretako Zaldunaren domina edo Holandako Klaus Printzea Saria.

2001ean berriz ere zabaldu zenetik, San Frantziskoko Udal Liburutegiak (Bilboko Udal Liburutegi Sarean sartuta dago) Bilboko auzo honetako aniztasun etniko eta kulturala islatzen duen materiala biltzera bideratu ditu bere funtsetako batzuk. Horri esker, bertako apalategietan hizkuntza desberdinetan idatzitako liburuak topa daitezke, baita hizkuntzak ikasteko metodoak eta immigrazioari buruzko bibliografia zabala ere.


311 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin