Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lezamak Hilario Astorki Plaza birmoldatzeko lehenengo fasean erabiliko du Tokiko Inbertsioen Estatuko Funtsaren dirua


2009-02-02 12:54

BILBO, 2 (EUROPA PRESS)

Lezamako Udalak (Bizkaia) Hilario Astorki Plaza birmoldatzeko Lehenengo Faseko Oinarrizko proiektua aurkeztu zion Tokiko Inbertsioen Estatuko Funtsari. Proiektuaren lehenengo faserako aurrekontua 426.719 eurokoa da, eta, hain zuzen ere, hori da Lezamari dagokion finantziazio-mailarik handiena. Beraz, bat dator Tokiko Inbertsioen Estatuko Funtsaren esleipenen zenbatekoekin.

Urtarrilaren 21ean, Udalbatzak gehiengoz onartu zuen lanen lehenengo faseko finantziazio eskaera eta urbanizazio proiektua, PSEko zinegotziak emandako kontrako boto bakarrarekin, Lezamako Udaleko iturriek gaur azaldu dutenez.

Herriko plazarako proiektuaren lehenengo fase honetan, espazioa egokitu, erauspenak egin, lurrak mugitu eta hasierako zolaketa lanak egingo dira. Lan hauetarako (lau hilabetetan amaituko dira), udalerriko langabetuei zuzendutako bost lanpostu daude aurreikusita.

Tokiko Inbertsioen Estatuko Funtsak babestutako lehenengo fase hau amaitzean, eta aurreikuspenen arabera, 2009an hasiko da bigarren fasea, kasu honetan laguntzarik gabe. Fase horretan, azaleko zolaketa, argiztapena, lorezaintza eta hiri-altzariak jarriko dira. Bigarren faserako aurrekontua 572.829 eurokoa da.


154 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin