Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lekeitioko Udalaren 2006-2009 Berdintasunerako Planak 10 alor, 37 helburu eta 88 ekintza zehatz bilduko ditu


2006-11-24 12:38

BILBO, 24 (EUROPA PRESS)

Lekeitioko Udalak I. Berdintasunerako Plana aurkeztu du. Udal bizkaitarra 2005ean hasi zen lanean proiektu honetan, herriko gizon eta emakumeen aukera berdintasunen errealitateari buruzko diagnostikoa egin zuenean. 2006 eta 2009 bitartean, lau urtez indarrean egongo den llana gauzatzeko oinarria izan da aipatu diagnostikoa.

Lekeitioko Udaleko iturriek gaur jakinarazi dutenez, planak 10 arlo, 37 helburu eta 88 ekintza desberdin bilduko ditu. Herrian eragina izango duen tresna honek politikari, teknikari eta herritarren konpromisoa eskatzen du.

Gizon eta emakumeen arteko aukera berdintasunez hitz egiteak, batzuk eta besteek gizarte osoari egindako ekarpenean dauzkaten gaitasun eta ahalmenak kontuan hartzea dakar, Lekeitioko Udaleko iturrien arabera.

Ondasun eta baliabideak banatzen hasi eta bizitzako arlo guztiak partekatzen hastea esan nahi du. Baina, politika, fidantza, kultura eta gizarte mailako erabakietan emakumeek ere parte hartu beharra eskatzen du, eta aldi berean, gizonezkoek haien parte den familia eta afektuzko bizitzan parte har dezatenaren beharrean ekiten du, azaldu dute.

Aldez aurretik egindako diagnostikoaren erreferentzia duelarik, Lekeition osatutako I. Berdintasunerako Planaren ezaugarri nagusia, parte-hartzailea izatea da, Lekeitioko Udal osoaren eta zerikusia daukaten herriko agenteen partaidetza izan baitu. Plan ireki eta malgu honetan, aldaketak egin ahalko dira ezarpen prozesuan zehar; eta Gazte Plana bezalako beste udal egitasmo batzuk ere sartu ahalko dira.

Proiektu ebaluagarri honetan, aurreikusitako helburu bakoitzerako adierazleak izango dituen ebaluazio sistema baten garapena planteatzen da.

Lekeitioko I. Berdintasunerako Planak lanerako arlo desberdinak biltzen ditu. Hauetako batzuk, Udalaren barnekoak dira. Berdintasunerako egitura eta baliabideak finkatu; berdintasunerako konpromisoa eta motibazioa generoaren ikuspuntua bateratuz; eta gizon eta emakumeen partaidetza orekatua Udaletxean.

Herritarren bizimoduaren arlo guztietara zabal daitezkeen beste lan-arlo batzuk ere bilduko ditu, hala nola, hezkidetza; lana eta prestakuntza; kultura eta herritarren parte-hartzea; gizarteratzea; osasuna eta bizi-kalitatea; eta hirigintza eta generoa.


152 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin