Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lekeitioko Udalak orduka elkar laguntzeko prest dauden auzokoak harremanetan jartzeko Denboraren Bankua sortu du


2009-02-12 12:21

BILBO, 12 (EUROPA PRESS)

Lekeitioko Udalak (Bizkaia) orduka elkar laguntzeko prest dauden auzokoak harremanetan jartzeko eskualdeko lehenengo Denboraren Bankua jarri du abian. Ordaindu beharreko unitatea ordua izango da, eta egin beharreko lana berriz, bakoitzak hobekien egiten dakiena. Eskaintza eta eskabidearen arteko koordinazio lana Lekeitioko Denboraren Bankuaren esku egongo da.

Modu honetan, lan desberdinak egiteko trebetasunak dauzkaten eta lan bat denbora bera eskatzen duen beste baten ordez egiteko prest dauden pertsonak jarriko ditu harremanetan Lekeitioko Udalak ekimen honen bidez.

Denboraren Bankua apurka-apurka euskal herri eta hirietan tokia hartzen ari den europar joera da, eta eskualdeko lehenengoa izango den ekimen hau jarri du abian Lekeitioko Udalak.

Denboraren Bankuak, eguneroko beharrizanei konponbidea eman asmoz, euren denbora trukatzeko presta dauden pertsonek osatzen dituzte. Edozein dela eman edo jasotzen den zerbitzua, ordua da balio eta ordaintzeko unitatea. Trebetasun guztiek izango dute balio bera, hau da, lan guztiek izango dute balio bera denboraren arabera.

Gizon eta emakume, norbanako eta familia, adin eta maila desberdinetako pertsona, bertako eta etorri berrien arteko lankidetza zerbitzuak bultzatuz, denbora eta trebetasunak trukatzea da ekimen honen helburua. Lekeitioko Udaletik azaldu dute Euskadin auzokoen arteko antzeko auzolagun lankidetza zerbitzua izan zela garai batean, baserrietan suteren bat edo uzta biltzeko auzokoek haien artean elkarri laguntza eskaintzen ziotenean.

LANAK ETA FUNTZIONAMENDUA

Denboraren Bankuaren beste helburuetako bat, ekonomia gaiarengatik balioa galdu duten beste hainbat lani bere balorea ematea litzateke. Horrela, asko dira lankidetzan egin daitezkeen lanak, hala nola pertsonen zaintza edo arreta, gorputza eta osasunaren zaintza,

etxeko lanak, informatika, hizkuntzak, hezkuntza edo aholkularitza eta orientabidea.

Denboraren Bankua abian jartzea hiru fasetan burutuko da. Lehenengoa, eskaini zein jaso nahi diren lanak eta horretarako behar den denbora bilduko duen libreta bat zabaltzeko hedapen eta izen-ematerako denboraldia izango da (ekainera bitartean).

Bigarrenik, Denboraren Bankuaren osaketa administratiboa egingo da, eta azkenik, zerbitzua abian jartzea eta autogestiorako bidea daude (ekainetik aurrera).

Funtzionamenduari dagokionez, gehienezko kreditua ezarririk izango duen (esaterako 20 ordu) kontu korronte eta taloitegi pertsonal bat izango ditu pertsona bakoitzak. Zerbitzua eskaini ondoren, berau jaso duenak, zerbitzu horretan emandako ordu kopurua bilduko duen taloi bat emango dio zerbitzu emaileari.

Horrela, taloia jaso duenak zerbitzuan emandako orduak sartu ahalko ditu bere kontuan, berak zerbitzuren bat behar duenean eskatu ahal izateko. Aldizka, Bankua arduratuko da kontu bakoitzaren egoera egunean jartzeaz.


524 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin