Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lekeitioko Udalak Estatu mailako lehen Seme-alabentzako Eskola jarriko du abian ostegunean


2006-10-24 12:11

BILBO, 24 (EUROPA PRESS)

Gurasoen etorkizunari buruz seme-alabei prestakuntza ematea da Lekeitioko Udalak eta Bizitzen Fundazioak ostegunean abian jarriko duten Seme-alabentzako Eskola izeneko ekimen aitzindariaren helburua. Ekimen hau da Estatu mailan abian jarriko den lehena.

Asmo hau Lekeitioko Udaleko Gizarte Zerbitzu Arloko eta Bizitzen Fundazioaren kideen arteko elkarrizketa batetik sortu zen. Elkarrizketa horretan, gizakiek gero eta bizi-itxaropen handiagoa duten egungo gizartean dauden beharrizanak aztertzen aritu ziren, Lekeitioko Udaleko iturriek gaur jakinarazi dutenez.

Hortaz, seme-alabei, adin nagusian, sarritan, bat batean, oso nagusiak diren gurasoetaz arduratzea egokitzen zaie. Arazo honetan, zalantza asko, etxekoen arteko arazoak, erabakiak hartu beharra, eta artegatasun krisialdiak, dolu edo etxekoa galtzearen sentsazioak izaten dira, azaldu dute.

Azken batean, ekimenaren sustatzaileen iritziz, gehienetan ez gaude era honetako egoera bati aurre egite prestaturik eta ez dugu jakiten gaixorik dagoen nagusi bat zaintzeari nola aurre egin, edota Administrazioak eskaintzen dituen laguntzak zein diren ere; izan ere, beti zaindu izan dituzten pertsonak izatetik, bai gure seme-alabak eta gurasoak zaindu behar dituzten pertsona izatera bihurtzen gara.

Seme-alabentzako Eskola, seme-alabei prestakuntza eman eta laguntzeko sortu den prestakuntza tailerra da. Eskolak Bizitzen Fundazioko kideek emango dituzten tailer-eskola hau prestakuntzarako doako tailer bezala planteatu du Lekeitioko Udalak.

Ordu eta erdiko iraupena izango duten zortzi saio izango dira guztira. Bertan landuko diren gaiak honako hauek izango dira, besteak beste: zahartzaro azkarra, endekapenezko gaixotasunen antzematea eta prebentzioa, aldaketak dakarren dolua, krisialdi eta erabakiei positiboki aurre egitea edota familiarteko komunikazioa.

Tailer hau gai hauetaz interesa daukaten guztiei zuzendurik dago, eta ez da beharrezkoa nagusien zaintze lanetan arituak izatea.

Seme-alabentzako Eskola ostegunean hasi eta abenduaren 14ra bitartean izango da abian. Ostegunero izango dira eskolak, arratsaldeko 17,00etatik 18,30etara arte Lekeitioko Kultur Etxean.

Tailerra doakoa da eta izena emateko Udaletxeko Gizarte Zerbitzuetara joan edo 94 603 42 00 telefonora deitu behar da.


137 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin