Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lekeitioko Udalak bisita-gidatuak antolatu ditu Ondarzabal Hondartzako itsasontzia ikusteko irailaren azkenera arte


2006-08-23 13:35



BILBO, 23 (EUROPA PRESS)

Lekeitioko Udalak bisitaldi gidatuak antolatu ditu irailaren azkenera arte Ondarzabal Hondartza izeneko itsasontzia ikusteko, uda honetan bisita daitezkeen toki turistiko interesgarri askotariko bat dela uste baita.

Udal bizkaitar honetako iturriek adierazi dutenez, abuztuan berriz hasi dira itsasontzian bisita gidatuak, arrantza egiteko tresnak eta baliabideak eta orain dela gutxira arte euskal arrantzaleak itsasoratzen ziren modua ikusteko xedearekin.

Bisitaldiak arratsaldeko 17,00etatik gaueko 22,00etara egin daitezke egunero, astelehenetan izan ezik. Goizean bisitaldia egin nahi duten taldeek ordua har dezakete Lekeitioko turismo bulegoan (94 684 40 17). Euria egiten duen egunetan, bisitaldia atzeratu edo bertan behera utzi daiteke itsasontzian sartzeko izan behar diren oinarrizko segurtasun baldintzak direla-eta.

Itsasontzia 1966an eraiki zen eta lehenengo aldiz 1967ko uztailaren 28an itsasoratu zen. Hozkailuetan 28 tonako edukiera du eta 23 metroko luzera dauka. Azken irteera 2001ean izan zen. Ia 40 urtez Kantauri eta Atlantiko itsasoetan barrena nabigatu zen hegaluzea eta antxoa harrapatzen.

HIRUGARREN URTEZ JARRAIAN

Guztira 18 lagunek osatzen dute tripulazioa: arrantzako patroia, kostako beste bat, 2 makinista eta 14 marinel. Hegaluzea harrapatzeko irteerak 10-20 egunekoak ziren. Lan hori egiteko modua eta marinelen jarduera hurbilagotik ezagutzeko aukera izango dugu bisitaldian.

Hirugarren urtez jarri da martxan proiektu hau, eta helburu nagusia Lekeitiok turismoaren aldetik berez daukan eskaintza zabalaren osagarri bat sortzea da. Hala, gure herriko tradiziozko jarduerak eta ondarea ezagutzeko aukera ematen da.

Udan zabalik egoten da jende guztiarentzat, eta udazkenean eta udaberrian hainbat tokitako 1.800 ikasleren bisita izan du Trinketa Etxeak kudeatzen duen Itsas Eskola programaren barruan. Oso positiboa izan da bisiten balorazioa, herriko turismoaren eskaintza hobea eta bereiztua ematen baitu.


250 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin