Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Leiho bat hautsiz Itsasondoko (Gipuzkoa) etxe batera lapurtzeko sartu den gizon bat atxilotu dute


2009-01-23 12:59

DONOSTIA, 23 (EUROPA PRESS)

Ertzaintzaren agenteek 30 urteko gizonezko bat atxilotu dute gaur goizaldean Itsasondon (Gipuzkoa), indarra erabilita egindako ustezko lapurreta delitu bat leporatuta, susmagarria, leiho bat hautsiz, herri gipuzkoarreko etxe batera sartu omen delako. Etxe barruan odol arrastoak aurkitu dituzte eta ustezko lapurrak zauriak jasan ditu eskuetan.

Eusko Jaurlaritzako Herrizaingo Sailaren arabera, Ertzaintzak 5:20 aldera izan du gertatutakoaren berri. Segurtasuneko enpresa batek jakinarazi die agenteei Itsasondoko etxe batean lapurreta alarmak jo duela; etxe hartako jabeak ez omen zeuden bertan.

Berehala ertzainak etxebizitzara bertaratu dira eta sarrerako leihoetako bat hautsita aurkitu dute. Une hartan, gizonezko batek etxeko atea ireki du eta agenteekin topo egin du. Eskua zapi batekin estalita zeraman zauri batzuk ezkutatu nahian. Agenteek dokumentazioa eskatu diotenean, gizonezkoak ezezkoa eman die. Honen aurrean, agenteek atxilotu egin dute indarra erabiliz egindako ustezko lapurreta delitu bat leporatuta.

Ertzainek egin duten ikerketan odol arrastoak aurkitu dituzte etxeko zoruan: hautsita zegoen leiho ondotik hasi eta korridorean zehar. Logeletan ostera, armairu eta tiraderak hankaz gora zeuden.

Atxilotua Tolosako Guardiako Epaitegiaren esku jarriko dute beharrezko izapideak bukatu bezain laster.


284 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin