Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lau pertsona atxilotu dituzte Gipuzkoan Errenterian eta Oiartzunen izandako bi lapurretakin zerikusia dutelakoan


2009-01-27 14:03

DONOSTIA, 27 (EUROPA PRESS)

Ertzaintzak lau pertsona atxilotu zituen atzo Gipuzkoan bi lapurretatan nahasita egoteagatik. Gertakarietako bat Errenteriako saltoki batean jazo zen, eta, bestea, Oiartzungo hipermerkatu batean, Eusko Jaurlaritzako Herrizaingo Saileko iturriek gaur jakinarazi dutenez.

Atzo goizean, 7:15 aldera, pertsona batek Ertzaintza ohartarazi zuen, bi lagun Errenteriako Galtzaraborda auzoko saltoki batean lapurreta egiten saiatzen ari omen zirelako. Patruila bat lokalean bertaratu zenean, inguruetan bi gazte ikusi zituen.

Agenteak zeudela ohartzerakoan, susmagarriek alde egin zuten baina, denbora apur bat segika ibili ostean, ertzainek horietako bat atzematea lortu zuten, eta, bestea, patruila batek geldiarazi zuen Beraun auzoan denbora apur bat geroago. Jarraian, susmagarriak (16 eta 19 urte) polizia egoitza batera eraman zituzten.

Saltokiko atearen sarraila bortxatuta zegoela eta markoak palankaz irekitzen saiatu izanaren zantzuak zituela egiaztatu zuten agenteek, nahiz eta lapurrak ez ziren denda barruan sartu. Atea bortxatzeko erabili omen zuten ahuntz-hanka taberna baten kanpoaldean zeuden mahai batzuen atzean ezkutatuta aurkitu zuten ertzainek. Atxilotuak (delitu aurrekariak dituzte biek) epailearen esku jarri zituzten atzo.

Bestalde, 11:00ak aldera, patruila bat Oiartzungo hipermerkatu batean bertaratu zen, bertan hainbat produktu osten saiatu ziren bi lagun atxiki baitzituzten segurtasun langileek. Heldu zirenean, 298 euroko balioa duten bi DVD eramangarri lapurtzen saiatu ziren bi gizonezko (21 eta 30 urte) Ertzaintzaren esku utzi zituzten segurtasun langileek, eta agenteek gazteak atxilotu zituzten.


371 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin