Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lau lagun atxilotu dituzte Loiun enpresa batean 12.000 euroko balio zuen materiala lapurtzeagatik


2006-11-06 16:48

BILBO, 6 (EUROPA PRESS)

Erandioko Ertzainetxeko agenteek 20 eta 35 urte bitarteko lau pertsona atxilotu zituzten atzo arratsaldean Loiun, herri horretako enpresa batean lapurtzea egotzita. Lapurturiko materiala 12.000 euro baino gehiagokoa zen, Eusko Jaurlaritzako Herrizaingo Sailak gaur jakinarazi duenez.

Atzo arratsaldeko 15,30ak baino minutu batzuk lehenago, Ertzaintzako patruila batek partikular bati esker jakin zuen furgoneta bateko bidaiariak Loiuko enpresa batean sartu zirela.

Agenteek, enpresa horretara zihoazen bitartean, irrati-instalazioaren bidez jakin zuten, Ertzaintzako beste patruila batek partikularrak esandako ezaugarri berdineko furgoneta bat ikusi zutela BI-737 errepidera sartzen. Ibilgailua enpresa kokatuta dagoen bide batetik zetorren.

Berehala, ertzainak beste patruila zegoen lekura (furgoneta ikusi zuten lekua) abiatu ziren eta bere lau bidaiariak gauza batzuk lekualdatzen ikusi zituzten: kutxa baten barruan brontzezko objektu batzuk, zilarrezko bost trokel, DVD bat bere osagarriekin, brontzezko txirbilaz betetako bidoi metaliko bat, ahuntz-hanka bat, aizkora bat, bihurkin bat, zizaila bat eta labana bat.

Jarraian, agenteak enpresara hurbildu ziren eta pertsonak sartzen diren atearen sarraila bortxatuta zegoela eta bulegoetan lapurreta egin zutela ikusi zuten. Tailerretan, furgoneta barruan zuten material antzekoa topatu zuten.

Gertaera horien aurrean, ertzainek lau pertsona atxilotu zituzten eta polizia-egoitzara eraman zituzten. Jarraian, fabrikaren jabea bertaratu zen eta furgonetan zeuden objektuak bereak zirela egiaztatu ostean, depositu moduan utzi zituzten eta erreminta eta labana agenteek konfiskatu zituzten.

Salaketa jarri ondoren, ertzainek zehaztu dute lapurturiko objektuen balioa gutxi gorabehera, 12.000 baino gehiagokoa dela, egindako kalteak kontuan hartu gabe. Lau atxilotuak (lehenago ere atxilotu dituzte) goizean zehar Bilboko guardiako epaitegiaren esku jarriko dituzte.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin