Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lau lagun atxilotu dituzte Bilbon bi ibilgailutan lapurtzeagatik


2009-01-08 16:50

BILBO, 8 (EUROPA PRESS)

Ertzaintzaren agenteek lau lagun atxilotu dituzte azken orduotan Bilbon indarra erabiliz egindako ustezko lapurreten egileak izatea leporatuta. Atzemandako lau lagunak Bilboko bi kaletan aparkatuta zeuden bi ibilgailutan lapurtzen ari zirela harrapatu dituzte agenteek, Herrizaingo Sailak jakinarazi duenez.

Lehen kasuan, gertakariak atzo arratsaldean gertatu ziren, 15:45ean, Bizkaiko hiriburuko Concha Jeneralaren kalean. Ordu horretan, herritarren segurtasunerako lanetan ari zen Ertzaintzaren patruila bateko agenteek bi gazte (gizonezkoak) ikusi zituzten turismo bateko aurreko atea maneiatzen.

Gazteetako bat atearen markoa indarra erabiliz mugitu nahian ari zen bitartean, bestea gailu bat sartzen ari zen atea ireki ahal izateko. Agenteek ustezko ebasleak geldiarazi eta identifikatu egin zituzten. Ertzainek miaketa egin zuten eta gizonezkoetako bati ibilgailuetako ateak irekitzeko gailu bat atzeman zioten. Gertatutako jazoeren aurrean, Ertzaintzak 19 urteko bi gazteak atxilotu zituen, indarra erabiliz egindako ustezko lapurreta delitu bat egotzita.

Bigarren kasua gaur goizaldean jazo da, 2:00ak jota. Ertzaintzaren agenteek bi gizonezko harrapatu dituzte beraiei segika ibili ostean. Bilboko Poza Lizentziatuaren kalean aparkatuta zegoen ibilgailu batean lapurtzeagatik atxilotu dituzte. Atzemandako bi lagunei (biek dituzte 27 urte) indarra erabiliz egindako ustezko lapurreta delitu bana leporatu diete.


248 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin