Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lapurtutako auto batekin istripua izan duen 29 urteko gizon bat atxilotu dute Erriberabeitian (Araba)


2009-01-29 16:28

GASTEIZ, 29 (EUROPA PRESS)

Ertzaintzaren agenteek 29 urteko gizon bat atxilotu dute gaur goizaldean Erriberabeitin (Araba), beste gizon batekin batera Rivabellosako eta Fontechako bi tabernatan lapurreta egin izana leporatuta. Gainera, ustezko lapurrak Miranda Ebron (Burgos) lapurtutako auto batekin ihes egiten saiatu dira eta istripua izan dute, Eusko Jaurlaritzako Herrizaingo Sailak jakinarazi duenez.

Gaurko 00:20 aldera, Fontechako ostalaritza lokal batean ostu zutela jakinarazi diote Ertzaintzari. Agenteek sarrerako atea bortxatuta zegoela eta kutxa erregistratzailea lapurtu zutela egiaztatu dute. Halaber, tabako makina batek indarrez irekitzen saiatu zirelako zantzuak zituen. Lapurretaren egileek tabernatik auto zuri batean alde egin zutela jakin ahal izan du Ertzaintzak.

Patruilak ikerketak egiten zituen bitartean, Rivabellosako (Erriberabeitiko udalerrian baita ere) taberna batean lapurtu berri zutela jakinarazi diete agenteei. Kasu honetan, ustezko lapurrak babes-pertsiana bortxatzen saiatu ziren eta kanpoko edari makina bat manipulatu zuten. Gainera, Komunioirako norabidean alde egin berri zutela eta aurreko lapurretan erabilitako antzeko auto batean zihoazela jakin dute ertzainek.

Agenteak udalerri horretarantz abiatu dira eta susmagarrien autoaren ezaugarriekin bat zetorren Ford Escort batekin (abiadura handian zihoana) gurutzatu dira bidean. Buelta eman eta atzetik segika ibili ostean, susmagarrien autoa Fontecharako sarbidean errepidetik irten dela eta ustezko lapurrak korrika egiten hasi direla ikusi dute ertzainek. Agenteek horietako bat atzeman dute eta, jakinarazi dienez, autoa Miranda Ebron ostu zuten. Ibilgailuaren barruan (abio-sistema manipulatuta zegoen) ahuntz-hanka bat, labana bat eta bihurkin bat atzeman dituzte.

Gizonezkoa (polizia aurrekariak ditu) atxilotu egin dute, eta Ertzaintzak ikertzen jarraitzen du gertaeretan nahasita dagoen beste pertsona aurkitzeko.


341 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin