Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lanonima Imperial taldeak bere 20. urteurrena ospatuko du Bilboko Arriagan egingo den mundu mailako estreinaldi batekin


2006-10-26 12:49

BILBO, 26 (EUROPA PRESS)

Lanonima Imperial dantza konpainiak bere 20. urtemuga ospatuko du Bilboko Arriaga Antzokian egingo den mundu mailako estreinaldi batekin. Euripidesen Bakanteak tragedia greziarrean oinarritua, eta mugimendua, melodia eta irudia uztartuz, A la nit ferida pel raig (Izpiak zauritutako gauean) --Arriaga Antzokiaren eta Mercat de les

florsen arteko ekoizpena-- estreinatuko da mundu mailan antzoki bilbotarrean azaroaren 2 eta 3an (20,30etan hasita); Bartzelonako Mercat de les florsera joango da gero, azaroaren 23tik 26ra bitartean.

Juan Carlos Garcia bilbotarraren zuzendaritzapean, Lanonima Imperial dantza konpainia katalanak bere 20. urtemuga ospatuko du vaudevilletik gertu dagoen teatraltasunetik tragediaren eta

errituaren mundura egindako bisita batekin. Komikiaren unibertsotik sortuak diruditen pertsonaien eta koreografia azkar eta neurrigabearen konbinazioak, elementu arkaiko eta futuristak elkartzen dituen eszenaratzearekin batera, begirada berezia sortzen dute, surrealismoaren eta poparen artean dagoena.

Garcia Akelarre konpainiarekin hasi zen antzerkiaren munduan. Dantza modernoan eta klasikoan trebatu zen Bartzelona, Frantzia eta New Yorkeko hainbat zentrotan, eta 1986an Lanonima Imperial sortu zuen.

Zuzendari bilbotarra bere belaunaldiko koreografo bikainenetako bat dela aitortu du kritikak eta lan koreografikoagatik zein ibilbideagatik saritu izan dute. Besteak beste, Ciutat de Barcelona, Zagreb Hiria Sari Nagusia, epaimahaiaren eta publikoaren Susan Dellal saria (Tel Aviv, Israel) edota Premi Nacional de Danza de Catalunya eskuratu ditu.

OBRA

A la nit ferida pel raig obrak Euripidesen Bakanteak tragedia greziarra du abiapuntutzat eta bere argumentua Dionisos jainkoaren eta Tebaseko hiria gobernatzen duen eta jainkoaren jatorri jainkozkoa ukatu eta bere errituak debekatzen dituen Penteo tiranoaren arteko liskarrari buruzkoa da.

Penteok jainkoa eta bakanteak (Dionisosen omenezko errituak egiten zituzten Tebaseko emakumeak) zelatatzea erabakitzen du, baina harrapatu eta laurdenkatu egin zuten jainkoaren jarraitzaileek. Horien artean Penteo beraren ama dago. Penteoren amak kordea berreskuratu eta semea ezagutzen duenean, damutu egiten da egindako ezbeharraz.

Tragedia horren bertsio askea da A la nit ferida pel raig. Sei

dantzarik interpretatzen dute: Nicolaas Marckmann, Anna Roblas, Jordi Vilaseca, Virginia Gimeno, Iris Heitzinger eta Yester Mulensek. Obrak eduki poetiko altuko indar oniriko handia du, Jose Mencheroren eszenografiaren eta talde erakusten dituzten Lawrence Wallen multimedia artista australiarraren.

1986an sortua, Lanomina Imperial konpainiak jasotako sarien artean daude Kataluniako Dantza Sari Nazionala (2000) edota Bartzelona Hiria Saria (1992). 20 urteko ibilbidean Europako 20 herrialdetan lan egin du, Brasil, Mexiko, Venezuela, Kolonbia, Israel eta Kanadan aritzeaz gain.

Azken urteotako bere lanik azpimarragarrienak dira Liturgia de somni i foc (2000), Prometeoren mitoan oinarritutakoa; Scala1: Infinito (2002), joera futuristakoa; Orfeu (2003); eta Orfeu Concert (2004), flamenko musikariekin, dantza hindu eta flamenkoarekin, eta Custo Barcelonak diseinatutako jantziekin. Azken koreografia Cosa dhomes (2005) izan zen.


131 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin