Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Langile bat hil da Santurtziko (Bizkaia) Zamakona Ontziolan gertaturiko lan istripuan


2009-01-22 17:32

BILBO, 22 (EUROPA PRESS)

Langile bat hil da gaur goizean Santurtziko (Bizkaia) Zamakona Ontziolan gertatu den lan istripu baten ondorioz. Hildakoa 34 urteko gizonezko bat izan da, CC.OO. sindikatuak jakinarazi duenez.

Ontziolako enpresa batzordeak istripua gaitzesteko elkarretaratze bat deitu du biharko, 12:00etatik 12:30etara, Santurtziko Victoria Erregina Pasealekuan, arrantza-portuaren sarreran.

CC.OO. sindikatutik adierazi dutenez, muntaiak eta instalazioak egiten dituen Dimon subkontratarentzat egiten zuen lan biktimak, eta ezbeharra gertatu den momentuan ontzi batean lanean ari zen. Dirudienez, langilea atzeraka erori da bere lana egiten ari zela eta lankideek hilda aurkitu dute tanga baten barruan. Istripuaren berri izan bezain laster, beharginek lanaldia gelditu dute hildakoarekiko elkartasuna adierazteko.

Zentzu honetan, CC.OO. Euskadiko Meatzaritza eta Metalurgiako Federazioak enpresaburuek lan arriskuen prebentziorako legea betetzea eskatu du beste behin, eta Lan Ikuskaritzari eta Osalani giza eta ekonomi baliabide gehiago ematea eskatu die administrazioei, lantokietako segurtasun neurrien jarraipen zehatza eta zorrotza egin dezaten.

Modu honetan, Zamakona Ontziolako enpresa batzordeak gaur gertaturiko ezbeharra gaitzesteko elkarretaratzea egingo du bihar eguerdian, 12:00etatik 12:30etara, ontziolaren sarreran.


400 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin