Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Lan Ekintza-Bilbaok enpresa-kudeaketan prestatzeko bost ekintza berri antolatu ditu urria eta azarorako


2006-09-06 11:39



BILBO, 6 (EUROPA PRESS)

Lan Ekintza-Bilbaok, Bilboko Udaleko Enplegua eta Ekonomia Sustatzeko Sailari atxikitako udal-sozietateak, Negozioen kudeaketa hobetzera bideratutako ekintzen artean, enpresa-kudeaketako bost prestakuntza-ekintza berri antolatu ditu, datozen urrian eta azaroan egiteko.

Udal bilbotarretik komunikatu batean adierazten denez, ikastaro horiek, beren kudeaketa hobetzeko gogoa duten udalerriko enpresa eta dendetako kudeatzaile eta arduradunei zuzenduak daude Bilboko ETEei eta merkataritzari laguntzen jarraitu asmoz.

Udal-erakundeak argi dauka, gaur egun, kudeaketa profesionalizatzen eta hazkundea, berrikuntza eta lehiakortasunaren hobekuntza bultzatzeko proiektuak sortzen lagunduko duten tresnak behar direla, diote Lan-Ekintzatik. Izan ere, faktore horietan indar eginez gero, kalitate hobeko zerbitzuak eskaintzea lortuko baita, eta, horrela, gero eta gogorragoa gertatzen ari den ingurunean lehiakortasun-exijentziak gainditzeko gauza izango baitira gure enpresak eta dendak.

Datorren urritik aurrera, honako etengabeko prestakuntza-ikastaro eta aholkularitzadun tailer hauek emango dira: Interneten ETEentzat dagoen informazio garrantzitsua bilatu eta lortzeko teknikak (3 ordu), Enpresa-kudeaketan entrenatzeko tailerra (15 ordu), Nola aplikatu Datuak Babesteko Legea eta Laneko Arriskuen Prebentzioa negozio txikietan (4 ordu), Enpresaren dokumentazioa; antolatzeko prozedurak eta jarraibidea (6 ordu) eta Kudeaketan hasteko tailerrak (ailer honek trebakuntzako 8 ordu izango ditu ikasgelan, eta aholkularitza pertsonalizatuko eta doako beste 2 ordu enpresaren lokaletan bertan).

Ekintza horiek guztiak diruz lagunduak daude % 100ean eta ez dute inolako kosturik enpresarentzat, Europako Gizarte Funtsaren laguntza dute-eta. Gainera, ISO 9001:2000 ziurtagiriaren jabe da Lan Ekintza-Bilbao bere etengabeko prestakuntza-ekintzetarako, eta, beraz, bermatua dauka horien kalitatea, eta berdin enpresa parte-hartzaileek sartutako denboraren errentagarritasuna ere.

DIRU-LAGUNTZAK

Eta prestakuntzaz gainera, enpresek lor ditzakete udal-sozietate honek udalerrian dauden negozioei kudeaketa hobetzeko eta berritzen laguntzeko helburuarekin eskaintzen dizkien bi laguntza-bide ere. Laguntza horien barnean daude, hasi hobetzeko alderdiak antzeman eta zehazteko doako Aholkularitzatik, eta 3.000 euroraino irits daitezkeen diru-laguntzak, garapen eta berrikuntzako proiektuak martxan jartzeko, alegia.

Bestalde, kale mailan ezarritako xehekako merkataritzak, ostalaritzak eta pertsonentzako zerbitzuek duten pisu espezifikoaz oharturik, 4.500 euroraino irits daitezkeen berariazko laguntza-neurriak eta negozioaren oinordetzarako 3.000 eurorainoko diru-laguntzak eskaintzen ditu Lan Ekintza-Bilbaok, aholkularitza pertsonalizatu batez gainera.

Gaur egun 1.000 inguru dira Lan Ekintzaren laguntzari esker Bilbon aberastasuna eta enplegua sortzen diharduten enpresak eta dendak. Enpresa horien ezaugarri nagusietako bat da beren % 86k bost langile baino gutxiagoko plantilla duela. Jarduera-sektoreka hartuta, berriz, Lan Ekintzak lagundutako negozioen % 30ek enpresentzako zerbitzuak egiten dituzte; % 27 batek, pertsonentzako zerbitzuak, eta % 26 batek merkataritzan eta ostalaritzan dihardu.


114 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin