Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-LABen ustez Osakidetza euskalduntzeko planak talka egiten du euskal jendarteak dituen premiak eta exijentziekin


2006-09-13 18:24



DONOSTIA, 13 (EUROPA PRESS)

Gabriel Inclanek Osasun sailburuak eta Miren Azkaratek Kultura sailburuak Osatuz programaren, Osakidetza euskalduntzeko plana, aurkezpenean egindako adierazpenak direla eta plan honek talka egiten duela uste du LABek euskal jendarteak dituen premiak eta exijentziekin.

LABetik gaur bidalitako bost puntuko komunikatu baten arabera, Osakidetza euskalduntzeko plana dekretu baten bidez onetsi zen 2003an, eta 2005ean abiatu zen. Hori dela eta mende laurden pasatu behar izan da Osakidetza sortu eta euskararen normalizazioaren beharra planteatzen hasteko.

Bien bitartean, Euskararen legearen aplikapena ezer ezean utzi dute. LABek eten gabe salatu du Osakidetzaren jokabide axolagabe eta maltzurra euskararekin eta euskaldunokin, uste du sindikatu abertzaleak.

Bat egiten dugu euskalgintzak egiten duen salaketarekin, hau da, plan honek ez ditu behar diren neurriak Osakidetzaren euskalduntzeak suposatzen duen arazo estrukturala gainditzeko eta euskal herritarren hizkuntza eskubideen bermea ahalbidetzeko, arrazoitzen dute.

Komunikatuak darrai planaren gauzapena gutxienezkoetan oinarritu beharrean lorpen handiagoak bilatu beharko lituzke, euskalduntzeari begira neurri eraginkorragoak hartu eta 2008an egin beharreko ebaluaketari itxaron baino lehen dagoeneko plan berria zehaztea; besteak beste, oinarriko josasun zerbitzuan euskararen normalizazioa eta herritarron hizkuntza eskubideak gaurdanik bermatzea bilatuko duena.

Azkenik, guzti horretarako Osakidetzak hizkuntza politikaren zuzendaritza sortu eta euskara batzordeak lan dinamika iraunkor bat mantendu behar dela prozesu zail eta konplexu hau aurrera eramateko eritzi dute LABekoek.


121 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin