Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Labayruk eta Euskaltzaindiak euskara eta euskal kultura zabaltzeko lankidetza-hitzarmena sinatu dute


2006-10-26 14:02

BILBO, 26 (EUROPA PRESS)

Labayru Euskal Kultur Erakundeak eta Euskaltzaindiak bien arteko lankidetza-hitzarmena sinatu dute gaur, Akademiaren Bilboko egoitzan. Hitzarmen horrek, euskara eta euskal kultura zabaltzea du helburu.

Labayruren izenean Ander Manterolak sinatu du eta, Euskaltzaindiarenean, Andres Urrutia euskaltzainburuak.

Akordioaren arabera, Labayruk eta Euskaltzaindiak elkarri aitortzen diote euskarazko irakaskuntza, ikerketa eta pedagogia-zentro izatea. Horregatik, bi erakundeek lankidetza-proiektu zehatzak bideratu eta garatuko dituzte, euskararen eta euskal kulturaren inguruko irakaskuntza, ikerketa eta pedagogiaren eremuan. Horren harira, curriculumaren ondorioetako eta meritu gisa, Labayru Euskal Kultur Erakundeak kontuan hartuko du bere irakasle eta ikertzaileek Euskaltzaindiaren barruan egindako lana.

Gainera, bi erakundeek elkarri euren irakaskuntza eta ikerketa-ondareak erabiltzeko aukera emango diote, eta, bereziki, euren artxibategi eta bibliotekak erabiltzeko aukera.

Labayru eta Euskaltzaindia elkarlanean arituko dira, bereziki, euskararen normalizazioari buruzko proiektuak gauzatzeko eta Akademiak euskararen arloan ezarritako arauak euren barnean zabaltzeko. Bereziki, Euskaltzaindiak erantzuna emango die Labayru Euskal Kulturaren Erakundeak egindako kontsultei, kontsultok euskal lexikoari, gramatikari, toponimiari, onomastikari, ortografiari eta, oro har, euskararen araugintzaren bestelako gaiei buruzkoak direnean.

Argitalpenen arloan, elkarlana bultzatuko da, eta baterako argitalpenak sustatuko dira, irakaskuntza normalizazioaren eremuan, euskarazko testuak edo ikerketa nahiz zabalkunde-lanak batera kaleratzeko eta, horrela, bi erakundeok euskararen inguruan sortutako testugintza hedatzeko.

Bi erakundeak elkarlanean arituko dira, euren biblioteketako euskal funtsak sendotzeko. Halaber, lankidetza politika bultzatuko dute ikastaroak eta programak sortu eta egin daitezen, euskarari eta euskal kulturari dagozkien eremuetan.

Urte bateko iraupena izango duen hitzarmen hau koordinatzeko, Labayru Euskal Kulturaren Erakundeak eta Euskaltzaindiak Jarraipen Batzordea eratuko dute, bakoitzak bina ordezkari izango dituelarik.


132 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin