Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-La Caldera eta Guztiko elkarteek musika ikastaroen eskaintza zabala antolatu dute Bilboko 3. barrutian


2006-10-18 10:35

BILBO, 18 (EUROPA PRESS)

Otxarkoaga auzo bilbotarreko udaltegiak musika ikastaroen eskaintza zabala jasoko du urteko azken hilabeteetan eta 2007ko lehenengo erdian zehar. Horrela, interesatuek 3. barrutiko La Caldera eta Guztiko elkarteek Bilboko Udaleko Kultura eta Euskara Sailaren laguntzaz antolatutako gitarra elektriko, baxu, bateria, informatika musikal eta home-studio, arabiar perkusio eta txalaparta ikastaroak jaso ahalko dituzte.

Plaza mugatuak dituzten musika ikastaro hauetan parte hartu nahi dutenentzako izena emateko epea urriaren 23an zabaldu eta azaroaren 2an bukatuko da. Matrikula Otxarkoagako Udaltegian egin ahalko da eta informazioa jaso nahi dutenek 94 412 50 42 eta 94 412 03 87 telefonoetara deitu beharko dute, edo ondoko helbide elektronikora zuzendu: ccotxarkoaga@ayto.bilbao.net, Bilboko Udaleko iturriek jakinarazi dutenez.

Musika ikastaroen prezioa 40 eta 50 euroen artekoa da eta La Caldera elkarteko bazkideek beherapenak izango dituzte horietako batzuetan.

Gitarra elektrikoaren ikastaroa azaroaren 6tik 2007ko otsailaren 28ra bitartean egingo da, asteazkenetan, 20,00etatik 21,30etara; prezioa 40 eurokoa izango da. Baxua jotzen ikasteko tailerra 2007ko martxoaren 7an hasi eta ekainaren 6an bukatuko da; hau ere asteazkenetan eskainiko da, 20,00etatik 21,30etara, 40 euroko prezioan.

Bateria ikastaroa azaroaren 11tik 2007ko maiatzaren 14ra bitartean izango da, astelehenetan, 18,00etatik 20,00etara; prezioa 50 eurokoa izango da. Informatika musikalaren eta home-studio ikastaroa, azaroaren 7an hasi eta 2007ko maiatzaren 15ean bukatuko da; asteertan eskainiko da 19,30etatik 21,30etara, eta prezioa 50 eurokoa izango da.

Azkenik, arabiar perkusioko ikastaroa azaroaren 10etik 2007ko ekainaren 26ra bitartean burutuko da, ostiraletan, 17,30etatik 19,30etara, 50 euroko prezioan; eta txalaparta ikastaroak ere, azaroaren 7tik 2007ko ekainaren 26ra iraungo du, asteartetan, 17,00etatik 20,00etara, 50 euroko prezioarekin.


126 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin