Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kutxaren liburu batek Deustuko Dnibertsitateak Donostian egindako 50 urteak dakartza gogora


2006-09-01 10:19



DONOSTIA, 1 (EUROPA PRESS)

Campus de Mundaiz. 50 años de Universidad en San Sebastián liburua argitaratu berri da Kutxatik Deustuko Unibertsitateak hiriburu donostiarrean egin duen mender erdia gogorararazteko, banketxe gipuzkoarreko arduradunen esanetan.

Abuztu bukaeretan Donostian egiten diren kultur ospakizunetarako ohiturari eustearren, Kutxa Fundazioak Deustuko Unibertsitateari egiten dion ekarpen berezia da liburua, ikasgune honek Gipuzkoako hiriburuan urrezko ezteiak egingo dituen honetan.

Guztiz lan interesgarria da, oso-oso ongi dokumentatua, diote Kutxatik, Deustuko Unibertsitateko Giza Zientzien fakultateko katedratikoa den Juan Manuel Diaz de Guereñu jaunak idatzia. Ia-ia 300 orritan zehar, Gipuzkoan hezkuntzaren eremuan funtsezkoa izan den ikastetxe baten sorburua eta garapena azaltzen ditu, zehatz-mehatz, egileak. Ilustrazio ugariz hornitua, Historia Donostiarreko Dr. Camino Institutuak argitaratzen duen monografia bildumaren parte da liburu hau.

Lanak protagonista nabarmen bat du, Ignazio Errandonea jesuita, berau izan baitzen zailtasun ugari gainditu ostean Gipuzkoatik haratago ere hezkuntzaren erreferentzia bat izan den eta izaten jarraitzen duen proiektuaren bultzatzailea. Eta proiektuak aurrera segitzen du gainera, ezen enpresa munduan ere profesionalak sortzeko oinarri sendotzat hartua baita gaur egun ere. Egileak Aita Errandonearekiko duen atxikimendua ere ageri-agerikoa da, liburuan zehar eskaintzen dion aipamen pila handia lekuko.

Liburuak -Deustuko Unibertsitateko errektore Jaime Oraak egin dio hitzaurrea-, xehetasun handiz kontatzen du Escuela Superior de Técnicos de Empresa (ESTE) haren fundazioko prozesu luzea, Gipuzkoako lehen unibertsitatearen ernamuina izan zena, 1956ko urrian; gero etorriko zen Estudios Universitarios y Técnicos de Gipuzkoa (EUTG) hartarako bilakaera, eta gaur egun Mundaizko Campus bihurturik ikustea.

Diaz de Guereñuren dokumentuak begi-bistan eskaintzen digu 50 urteko historia luzean hezkuntza proiektu paregabe honen eta kutxaren artean izan den lotura estua. Kutxak laguntza ekonomiko oso handia eman zuen ESTEren hastapenetan, bere Gizarte-Ekintzatzat hartu zituen EUTG haiek, eta 1994ko ekainean Jesusen Lagundiari eman zizkion campusa eraikita dagoen sailak.

Gaur egun, bost hamarkadatan barrena laguntza-ildo etengabeari jarraiki, kutxak hainbat lankidetza-hitzarmen izenpetzen ditu, urtero, Deustuko Unibertsitatearekin, Gipuzkoako egoitzara begira, beketan, trebakuntza arautuan zein ez arautuan, ikerkuntzan eta campuseko fakultate eta eskolen beste jarduera batzuetan laguntzeko. Hala, 1997az geroztik, Unibertsitateko lorategietan dagoen monolito bat dugu lankidetza honen testigantza adierazgarrienetako bat.


194 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin