Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kutxa Estatuko finantz sistemako hirugarren entitatea da kaudimenarei dagokionez, The Banker aldizkariaren arabera


2006-08-02 10:26

DONOSTIA, 2 (EUROPA PRESS)

Munduko 1.000 banku eta aurrezki kutxa garrantzitsuenen zerrenda argitaratu duen uztaileko alean, Financial Times egunkariak argitaratzen duen The Banker aldizkari ospetsuak Kutxa jarri du Estatuko finantza-sistemako lehen postuetan finantz entitateak baloratzeko erabiltzen diren adierazleei dagokienez.

Hala, The Banker aldizkariaren zerrendak Gipuzkoa Donostia Kutxaren kaudimen handia aitortu du, Basileako Nazioarteko Ordainketa Bankuak (BIS ratioa) ezarritakoaren arabera, eta 17,17ko indizea eman dio, hots, hirugarren indizerik onena Estatuko banku eta aurrezki kutxen artean. Kutxa Estatuko hirugarren postuan dago ere Baliabide Berekiak Balantzeaz zatituz kalkulatzen den kapitalizazio-ratioan, 11,74ko indizearekin.

The Banker aldizkariaren zerrendan, Kutxa lehenengo postuan dago Euskadin eta bosgarrenean Estatuan berankortasun-ratioan (zalantzazko kredituak mailegu guztiei dagokienez), 0,46ko indizearekin, Estatuko finantza-sistemako batez bestekoaren oso azpitik. Halaber, lehen euskal entitatea da eragingarritasun-ratioan (sarreren gaineko gastuak), 44,27ko indizearekin, Estatuko laugarren postuan jartzen duena.

Kutxa gailurrean kokatzen duen beste adierazleetako bat ROA deritzona da (irabazi-ratioa aktiboari dagokionez): lehena da Euskadin eta bosgarrena estatuan, 1,39ko indizearekin.

Munduko 1.000 banku handienen artean, The Banker-en arabera, Kutxa 222. postuan dago baliabide berekien bolumenari dagokionez; zerrendan gora egin du urtez urte 2001ean zuen 287. postutik.


200 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin