Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kultura sailburuordea Txilera joango da bidaian ostegunean Euskal Zinemaren IV. Jaialdira


2006-08-22 14:30

Kimuak 2005 katalogoaren sei film labur proiektatuko dira, mundu osoko zinema jaialdietan 173 sari irabazi dituztenak

GASTEIZ, 22 (EUROPA PRESS)

Gurutz Larrañaga Eusko Jaurlaritzako Kultura, Gazteria eta Kirol sailburuodea Txilera joango da ostegunean, hilak 24, Euskal Zinemaren IV. Jaialdia dela eta, egun horretan hasi eta irailaren 5ra arte egingo dena Santiagon, Txileko Unibertsitate Katolikoak eta Euskadik Txilen duen Ordezkaritzak antolaturik.

Jaurlaritzatik komunikatu bidez adierazi dutenaren arabera, Txilen irailaren 2ra izango den Larrañagak zenbait bilera izango ditu, hala nola, Cineteca Nacional delako zuzendariarekin, Consejo Nacional de la Cultura deritzon idazkari exekutiboarekin, Region Metropolitana de Santiago-ko intendentearekin, erakunde bereko Kultura seremiarekin (ministeritzako eskualdeko idazkaria), eta baita ere topaketa batean, non txiletar zinegileekin (zuzendari, ekoizle eta banatzaileak) eta CORFOko (Txileko SPRI) koordinatzailearekin mintzatuko den.

Txileko Unibertsitate Katolikoaren zinema aretoan egingo den Euskal Zinemaren IV Jaialdia abuztuaren 24an hasiko da, Aupa Etxebeste filmaren proiekzioarekin. Telmo Esnal eta Asier Altunak iaz zuzenduriko komedia garratz honek, herri txikietan dagoen itxurakeriaz, oso harrera ona izan zuen Euskal Herrian, euskarazko filmik ikusiena bihurtu da-eta.

Ondoren, halako filmak emango dira jaialdian: Fragil (2005) Juanma Bajo Ulloarena, El final de la noche (2003) Patxi Barcorena eta Si, quiero..., Eneko Olasagasti eta Carlos Zabalak zuzendurik. Halaber, mundu osoko zinema jaialdietan 173 sari lortu dituzten Kimuak 2005eko film laburrak proiektatuko dira. 2005eko edizioaz geroztik, Eusko Jaurlaritzak sortu KIMUAK egitasmoa Euskadiko Filmategia Fundazioak kudeatzen du, eta Euskadiko ikus-entzunezkoa sustatzea du helburu.

Txileko Euskal Zinemaren Jaialdi honen xedea, diote antolakuntzatik, zinemagintza ezberdinen arteko kooperazioa eta hedatzea bultzatzea da, txiletar ikusleek ere ezagutu dezaten euskal zinema berria delakoa. Urtero egiten den jaialdi honetan, euskal zinegile ezagunen lanak ikusi ahal izan dira, besteak beste, Julio Medem (Vacas); Pablo Malo (Frio sol de invierno, Viña del Mar-eko Zinema jaialdian irabazlea) eta Montxo Armendariz.


164 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin