Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Krysztof Penderecki musikagile eta zuzendariak lehen aldiz zuzenduko du aste honetan Euskadiko Orkestra Sinfonikoa


2009-01-27 12:50

DONOSTIA, 27 (EUROPA PRESS)

Euskadiko Orkestra Sinfonikoak(EOS) XX. mendeko musikagilerik ospetsuenetakoa den Krysztof Penderecki aurkeztuko du aste honetako kontzertu-programa berrian. Donostian ostegunean eta ostiralean soilik eskainiko den programa hau, gainera, Tronpa eta Orkestrarako Kontzertua-ren estreinaldia izango da. Musikagile poloniarrak joan den urtean idatzi zuen kontzertua, Radovan Vlatkovic instrumentu honen jotzailerik nagusienetakoa estreinatuko zuena. Vlatkovic ere Donostiako eszenatokian egongo da.

Programa honetan musikagile eta orkestra-zuzendariaren zeregin bikoitza hartuko du Krysztof Pendereckik. De natura sonoris, 1 zbk. eta Winterreise tronparako kontzertua Pendereckiren bi fase erabat ezberdinen adierazle dira. Lehena 1966koa da eta sonoritate berrien sorta iraultzailearen hasiera da. Tronparako kontzertua, iaz Bremenen estreinatu zena, ohitura tonaletik gertuago dagoen faseari dagokio, eta ordutik hona Taipei, Tokion eta Osakan entzun da.

Radovan Vlatkovic izango da kontzertuaren bakarlaria; bere belaunaldiko musikaririk onenetakoa da, eta tronpa ezaguna egin du bakarlari eta irakasle gisa. Bigarren zatian, Pendereckik bere lanak zuzentzeari utzi eta Mendelssohnen 3. Sinfonia -Eskoziarra ezizenez ezagutua- zuzenduko du.

Kontzertuaren aurretik Musikeneko irakaslea den Eli Etxebestek hitzaldia emango du, bertan Krysztof Penderecki berak parte hartuko duelarik. Musikari bien bisitak ikusmin handia sortu du Musikeneko ikasleen artean. Tronpa-joleak master class delako bat emango du aste honetan zehar; Penderecki maisuak, aldiz, hitzaldia emango du, asteazkenean, zentroaren ikasle-talde baten aurrean.


235 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin