BILBO, 15 (EUROPA PRESS)
Kontsumo Prezioen Indizea (KPI) %0,6 igo zen Euskal Autonomia Erkidegoan (EAE) joan den urrian, aurreko hilarekiko. Urte arteko tasa %2,5era heldu da eta urte honetako orain arteko inflazioa %2,2koa da, INE erakundeak gaur jakinarazi dituen datuen arabera.
Lurralde Historikoka, inflazionistena Araba izan zen, prezioak %1 igo baitziren; Bizkaian eta Gipuzkoan, aldiz, KPIk %0,5eko hazkundea izan zuen.
Bilakaera honekin, Arabako KPIren urte arteko tasa %2,8koa da, Gipuzkoakoa %2,5ekoa eta Bizkaiko %2,4koa. Urtarrila eta urria bitarteko inflazio pilatua, berriz, %2,5ekoa da Araban eta Gipuzkoan, eta %2koa Bizkaian.
Urrian zehar, Jantziak eta oinetakoak (%10,7), Hezkuntza (%3,1), Tresneria (%0,8), Edari alkoholikoak eta tabakoa (%0,1) eta Hotelak, kafeak eta jantokiak (%0,1) sektoreetan igo zen inflazioa; Besteak sektorean ez ziren aldatu prezioak; Garraioa (%-1,8), Aisia eta kultura (%-1,2), Etxebizitza (%-0,3), Komunikazioak (%-0,2) eta Elikagaiak eta edari ez alkoholikoak (%-0,2) taldeetan jaitsi egin ziren prezioak.
Urte honetako inflazio pilatua honela gelditu da talde bakoitzean: Elikagaiak eta edari ez alkoholikoak, %2,3; Edari alkoholikoak eta tabakoa, %1,1; Jantziak eta oinetakoak, %1,3; Etxebizitza, %4; Tresneria, %2,7; Medikuntza, %1,7; Garraioa, %1,5; Komunikazioak, %-1,1; Aisia eta kultura, %-0,7; Hezkuntza, %4,5; Hotelak, kafeak eta jantokiak, %3,8; eta Besteak, %3.
Azkenik, urte arteko tasa ondokoa da sektore bakoitzean: Elikagaiak eta edari ez alkoholikoak, %4,2; Edari alkoholikoak eta tabakoa, %1,2; Jantziak eta oinetakoak, %1; Etxebizitza, %4,4; Tresneria, %3,3; Medikuntza, %2,1; Garraioa, %-0,9; Komunikazioak, %-1,3; Aisia eta kultura, %-0,3; Hezkuntza, %4,7; Hotelak, kafeak eta jantokiak, %3,9; eta Besteak, %3,5.
