Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-KPI.- Prezioak %0,5 jaitsi ziren uztailean EAEn eta urte arteko tasa %3,8koa da


2006-08-11 10:31

BILBO, 11 (EUROPA PRESS)

Kontsumo Prezioen Indizea (KPI) %0,5 jaitsi zen joan den uztailean Euskal Autonomia Erkidegoan (EAE), aurreko hilarekin alderatuz. Modu honetan, urte arteko tasa %3,8koa da, eta urte honetan orain arte pilaturiko inflazioa %1,4ra heldu da, INE erakundeak gaur jakinarazi dituen datuen arabera.

Lurralde Historikoka, Gipuzkoan jaitsi zen gutxien inflazioa joan den uztailean, prezioak %0,3 murriztu baitziren; Araban eta Bizkaian, aldiz, %0,6 jaitsi ziren.

Bilakaera honekin, Arabako KPIren urteko arteko aldaketa %4,4koa da, Gipuzkoakoa %3,8koa eta Bizkaiakoa ere %3,8koa. 2006ko urtarrila eta uztaila bitartean pilaturiko inflazioari dagokionez, %1,6koa da Araban, %1,5ekoa Gipuzkoan eta %1,2koa Bizkaian.

Uztailean zehar, Jantziak eta oinetakoak (-%10,7), Tresneria (-%0,3) eta Komunikazioak (-%0,2) sektoreetan jaitsi ziren prezioak; Hezkuntza, Besteak eta Edari alkoholikoak eta tabakoa sektoreetan, berriz, ez zen aldaketarik izan (%0,0).

Aitzitik, Aisia eta kultura (%1,6), Hotelak, kafeak eta jantokiak (%1,1), Garraioa (%0,8), Elikagaiak eta edari ez alkoholikoak (%0,2), Etxebizitza (%0,2) eta Medikuntza (%0,2) sektoreetan prezioak igo egin ziren joan den uztailean.

Pilaturiko inflazioaren bilakaerari dagokionez, Elikagai eta edari ez alkoholikoetan %2,0koa da, Edari alkoholiko eta tabakoan %1,3koa, Jantzi eta oinetakoetan %-12,6, Etxebizitzan %4,2, Tresnerian %1,6, Medikuntzan %1,4, Garraioan %5,4, Komunikazioetan %-1,0, Aisia eta kulturan %1,1, Hezkuntzan %0,5, Hotel, kafe eta jantokietan %3,5 eta Besteak sektorean %2,4.

Urte arteko tasa modu honetan aldatu dira: Elikagaiak eta edari ez alkoholikoak, %4,7; Edari alkoholikoak eta tabakoa, %2,2; Jantziak eta oinetakoak, %1,1; Etxebizitza, %6,3; Tresneria, %3,6; Medikuntza, %1,9; Garraioa, %5,5; Komunikazioak, %-1,4; Aisia eta kultura, %1,1; Hezkuntza, %4,4; Hotelak, kafeak eta jantokiak, %3,9; eta Besteak, %3,2.


222 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin